Ampati, Aug 18: South West Garo Hills a•jani Zikzak C&RD Block-ni ning•o donggipa Kalaipara Urban Health & Wellness Centre-ko Sukrobar salo, Nogorpara-ni GHADC MDC Linekar K Sangma, do•ga oe on•angaha aro ia health centre-ko do•ga oanio, Boldamgre MDC Stevie Marak, Meghalaya Resource & Employment Generation Council (MREGC)-ni Co-Chairman Semford B Sangma, Zikzak-ni Block Development Officer Digonto Hajong, South West Garo Hills a•jani District Medical & Health Officer (DM&HO) Dr H Barman aro gipinrangba dongpae bak ra•angaha.
Ia Urban Health & Wellness Centre-ni ning•o dam 17 songrangko man•chapengani gimin ian Kalaipara jolrango donggipa dingtang dingtang songni manderangna, sanna bananirangko on•anio bang•en dakchakani ong•gnok.
Ia Kalaipara Urban Health & Wellness Centre-ko nokdonggae on•angani somoio Nogorpara-ni MDC Linekar K Sangma, tom•anio bak ra•giparangna aganprakangengon, songni nokni manderangna ia health centre-ko kulie on•ahani gimin a•dok sorkari, district administration aro health department-ko mittelpilenba, ia health centre-ko kulianichi dam 17 songrango donggipa manderangna namgni ong•gnok ine parakataha.
Ia health centre-ko chalaianio ku•cholsan ong•e bakrimchina gitaba ua songni manderangko, an•seng baljokani a•bao kam ka•enggiparangko aro dingtang dingtang dolrangko didiangaha.
Sagiparangna sanna bananirangko on•engon, ka•sachakani gnang dangdike on•china gita health centre-o kam ka•enggipa manderangko didiangengon, nokdangtangtangko an•seng baljoke rakkichina gita Sangma, songni me•asarangko mol•molangaha.
Iakoba poraie nina man·gen: Police force-ko be·en-bimango mangrakbatatna, Assam police, BMI-ko ka·na a·bachengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
