Shillong, Feb 5: Sombar salo, dingtangmancha program-ko Shillong songjinmani U Soso Tham Auditorium-o ong•atangenba, Meghalaya Games 2024 aro Khelo India Youth Games 2024-o chegiparangna, Meghalaya a•dokni Chief Minister Conrad K Sangma-ni jakchi mande ra•pilskaaniko dakangaha. Ia program-ko ong•atanio, a•dokni Health Minister Ampareen Lyngdoh, Sports Minister Shakliar Warjri aro dingtang dingtang official-rangba bak ra•angtokaha.
Kal•susaanirango chegiparangna mande ra•pilskaani program-ko ong•atanio a•dokni Chief Minister, jinmana aganprakengon, dingtang dingtang kal•susaanirango chee a•dokna mikkim rasongko ra•baahani gimin kal•susagiparangko mittelpilangenba, ia antio dingtangmancha kal•susaani, bading chiwalani, doka dam•ani aro pilak kamni a•bao chu•sokgipa chadamberangna mande ra•pilskaaniko dakna siengani gimin ian namen dingtangmanchagipa anti ong•enga ine parakataha.
Immensely proud to felicitate over 1170 Sports Achievers from across the state who won across disciplines in the 5th Meghalaya Games 2024 held in Tura.
Glad that as a Government we are able to keep the promise of incentivizing our sportspersons which is a big encouragement for… pic.twitter.com/cCuOh3Gvqp
— Conrad K Sangma (@SangmaConrad) February 5, 2024
Meghalaya Games 2024-ko chu•sokgipa ong•atna man•ahani gimin Meghalaya Sports Olympics Association (MSOA) aro dingtang dingtang sports association-rangko mittelpilangengon, iandakgipa kal•susaanirangko ong•atanio ra•bianirang donggenchimoba dingtang dingtang dolrang baksa nangrime kamko ka•anichi iandakgipa kal•susaanirangko nambate ong•atna man•enga aro dingtang dingtang neng•nikanirangko mikkangchakna man•enga ine Chief Minister parakataha.
Today we handed over incentives to winners of the 6th Khelo India Youth Games held in Tamil Nadu in a program held to felicitate Sports Achievers of Meghalaya.
We are proud of our Under 18 Football Team for their winning streak in the recently concluded Youth Games. The team… pic.twitter.com/EL5CsS0PpX
— Conrad K Sangma (@SangmaConrad) February 5, 2024
Khelo India Youth Games-ni robol kal•susaanio chegipa ong•e a•dokna mikkim rasongko ra•baahani gimin robol kal•gipa dolko mittelpilangskaengon, ian Meghalaya a•doko changgipa sapgipa manderangni donganiko mesokani ong•a aro miksongani baksana gisiko nange kamko ka•genchimode chu•sokaniko man•a ama ine mesokaniba ong•a ine Sangma parakataha.
Iana skang, a•dokni Sports Minister Shakliar Warjri-ba jinmana aganprakangengon, an•tangtangni man•gipa boksisni tangka paisarangko, an•tangtangni kal•susaanirangko namdapatnasa jakkalchina ku•pattianiko on•angaha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
