Shillong, Mar 6: Batanggimin changrangoba Meghalaya Police-ni gita recruitment ba kamna ra•anio candidate-rangko cha•bokgiparang dongahani gimin da•o police department-ni gita ming 2,968 kamrangna ra•anio, physical efficiency test (PET), porikka seani ba interview-rangoba pass ka•na dakchakanirangko on•gen ine tol•gipa manderangko bebera•jachina gita Central Recruitment Board (CRB)-ni membor aro Deputy Inspector General (DIG) Davis NR Marak, ia kamrangna dorgasto galenggipa candidate-rangko didiataha.
“CRB-ni gita kamrangna seokanio gadangprakon parakesa dakgen ine aganmanaha aro iandake cha•bokgipa manderangko chinga chol ra•na on•jawa. Uni gimin iandake cha•bokgipa manderangko bebera•jachina anga CRB-ni pal, candidate-rangko didiatenga,” ine Marak aganaha.
Bang•bata chadamberangan kamrangko man•na sike, iandakgipa manderangna tangka paisarangko gamenba cha•bokako man•ronga ine janapatengon, batanggimin changrangoba apsan daken candidate-rang cha•bokako man•aha aro mitam manderangni kosako mokordoma ka•e dos dakgipa manderangko police-rang rim•na man•aha ine DIG parakataha.
Online gita dorgastorangko galanio chadamberang neng•nikanirangko chagrongna nanggenchimode a•jatangtangni SP office-rangona ba commandant office-rangona re•ange dakchakanirangko ra•china indiba tangka bi•e dakchakna ku•rachakgiparangkode bebera•jachina gita CRB-ni Chairman Francis G Kharshiing didiatskaaha.
Iani bidingo candidate-rang maiba dakchakanirangko nangenga ong•ode, pring 10 bajioni attam 5 bajiona 6033164273 helpline nombor-ona ba [email protected] website-o sing•sandiatchina gitaba CRB-ni official-rang didiataha.
Na·simang iakoba poraie nina man·gen: M’laya Police-o ming 3000-na baten kamrango gapatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
