Shillong, Sep 20: Kamoni ra•ani chu•gimik bewalrangko namdapatna gita sorkari, cholrangko nienga ine Mongolbar salo, a•dokni Chief Minister Conrad K Sangma parakataha.

Dingtang dingtang sorkarini kamna manderangko ra•anio maming dongnuani dongjana gita personal interview-ko bon•atsrangchina ine Assembly-o Mokaiaw-ni UDP MLA Nujorki Sungoh-ni a•dok sorkariko mol•molanina aganchakaniko on•angengon, kamna manderangko ra•ani bewalrangko changsanon chu•gimikko namdapatna man•na gita sorkari da•o cholrangko nienga ine Chief Minister parakataha.

Meghalaya a•dokoba sorkarini kamrangna manderangko ra•anio personal interview-ko bon•atsrangchina gita a•dok sorkariko didiangengon, 2016 bilsi dipetan ma•mong sorkaride personal interview ra•anik bon•ataha aro uni ja•man dam 23 a•dokrang aro dam 8 Union Territory-rangba apsan niamkon ra•gataha ine Mowkaiaw MLA parakataha.

Iana aganchakaniko on•angskaengon, a•dokni gitcham chief minister-sa 2017 bilsio, Meghalaya sorkaride personal interview-ko bon•atkujawa ine India sorkarina sedoataha ine Chief Minister Conrad Sangma parakataha.

Iakoba poraie nina man·gen: CM-ni kosako Mukul-ni matnanganiko Assembly Speaker ra•galata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub