Guwahati, September 17: Robibar salo, a•songni Prime Minister Narendra Modi-ni atchiani salko maniani gita apsan salo, Assam a•dok gimiko kanta gnini gisepo crore-sa bol chararangko ge•e gitalgipa Guinness World Record-ko man•a jotton ka•angaha.
Sorkarini gita ia bol ge•ani bimungko Amrit Briksha Andolan ine donaha aro iano a•dok gimikoni dol lakh sotbri self-help group (SHG)-rang re•bae sakprako bol chara panggniprak ge•enba bakko ra•angaha.
Indaken bangki dongkuenggipa bol chararangko Anganwadi kam ka•giparang, cha bagano kam ka•giparang, sorkarini kamko ka•giparang, police aro forest department -ni manderang aro a•dokni pilak ramram manderang ge•tokaha.
Amrit Briksha Andolan-ko, a•doko bol ge•ani gamchatani gimin u•iataniko on•a ine miksonge a•bachengatani ong•a.
“Da•alo anga bol chararangko ge•na inenba Amrit Briksha Jan Andolan-o bakko ra•enga aro ian bolrangko ge•e dal·atani gimin a•songni manderangna, an•tangni samtangtangrangko rongtale rakkiani gimin u•iataniko on•na ja•ku de•ani ong•a aro Green Planet-Adarniya Pa Narendra Modi ji-ni atchiani salko maniani ong•a,” ine Assam-ni CM Himanta Biswa Sarma aganangaha.
Batanggimin salrango, Assam 670 square kilometre burung bolgrimrangko 2011 aro 2022 bilsirangni gisepo gimaataha aro 3060 square kilometre bolrangko batanggimin bilsi kolgrikni gisepo gimaataha.
Sorkarini gita, Guinness World Record-ko man•aniara mongsonggipa miksongani ong•ja indiba mikkangchi tangsengbatgipa aro an·sengbaljokgipa a•dok ong•atna ine miksongani ong•a ineba ua janapangaha.
Kanta gni-ni gisepo crore sa bol chararangko apale ge•anichi an•sengbaljokgipa a•dok ong•atna man•gen ine a•dok sorkari aganangaha.
Iakoba poraie nina man·gen: Sam-achikchi sanenggipa manderangna sorkarini gita dakchakanirangko on·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
