Shillong, Mar 21: Karnataka-o bisi gnang cha·ani rangko cha·mane Meghalaya-ni sakgni chatrorang siaha aro adita chatro chatrirang saaniko man·aha, ia a·sel ong·anio jak donggipa sakdok manderangko Police-rang rim·aha.
Ia rim·a man·gipa manderangara, ia school-ko chalaienggipa, niamgri chalaienggipa hostel-ni warden, restaurant-ko chalaienggipa aro cha·anirangko song·timgipa manderang ong·a.
Commissioner & Secretary in-charge Home (Political) Cyril Diengdoh, Karnataka-ni Mandya-o bisi gnanggipa cha·aniko cha·mane hospital-o sanna bannaniko ra·enggipa Meghalaya a·dokoni sak 22 chatro chatrirangko a·doktangona rimbapilna sorkari kamko ka·enga ine Sukrobar salo kobor ra·timgiparangna parakataha.
Iani bidingo Mandya-ni Deputy Commissioner baksa agangrikahaon, chatro chatrirang dingtang dingtang klas-oni ong·ani gimin uamangni bilsini porikkako seatna gita somoiko tarina nangenga jedakode uamangni klaso skie ra·anirang indin ong·gramaijawa ine aganaha , da·o dipet ia chatro chatrirang hospital-o sanna bannaniko ra·engkua aro child welfare committee-ba uamangni nangnikaniko on·a man·a gita tarisamsoe dongenga ineba Diengdoh parakataha.
Unbaksana, ia a·sel ong·anio sianggipa bi·sarangni nokdangna gong lakh 3-ko on·chinaba a·jani Deputy Commissioner-na u·iataha ineba ua janapataha.
Na·simang ia video-koba nina man·gen:
Na·simang iakoba poraina man·gen: Meghalaya-ni Laitkor Sub-Center, Mercury-free Centre ine donako man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
