Guwahati, June 13: India-o matcharangni jelbra jelsruaniko channe nianiko dako, Assam-ni Kaziranga and Tiger Reserve-o bang·a nikronggijagipa waksel (Greater Hog Badger)-ni jelaniko nikna man·aha. Am·sandigiparangni bebe ra·ani gitade, ia a·kanggimin buring bolgrimo ia nikna neng·gipa matburang komibeoba mang 55-de donga aro iandake ian Kaziranga-ko South Asia-o iandakgipa rokomni matburingrangna mongsonggipa biaprangoni damsa ong·atpaenga.
Ia sandie nianiko, Kaziranga-ni Tiger Cell-oni am·sandigipa dolrang, Wildlife Conservation Trust aro Fishing Cat Project baksa apsan nangrime dakangaha. Uamang, All India Tiger Estimation survey-na ra·gipa camera-trap-ni jachipchangrangko ia am·sandianina jakkalaha.
Ge 857 camera-trap dongiparango chang 140 mangna bate nika nianirangko chipe ra·rikaha aro Kaziranga-ni bang·a biaprangon ia wakselrangko nikna man·aniko mesoke on·angaha. Ia matburingko nikgipa mongsonggipa biaprango Diffolu River, Kerasin, Daphlang aro Sohola-koba man·chapa.
Waksel, jekon jolo Mati Gahori ine u·itokachim, ian IUCN Red List-o gimana sienggipa ine segata man·gipa aro India-ni Wildlife (Protection) Act-ni ning·o naljoke rakkienggpa matburing ong·a. Assam-ni Forest Minister Jayanta Malla Baruah, ia sandie man·aniara Kaziranga-ni samtangtango an·seng baljokgipa ong·telaigipa gamrang donganiko mesoka ine u·iatengon, buringo donggipa matburingrangko naljoke rakkina nangchongmotanikoba ua gisiko ra·atangaha.
Na·simang iakoba nina man·gen:
Na·simang iakoba poraina man·gen: Jorhat Airbase-o An-32 transport aircraft ga·akanio sak 5 IAF personnel-rang so·otako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
