Shillong, Dec 17 : A•dok sorkari, Khasi Hills Autonomous District Council (KHADC) aro Jaintia Hills Autonomous District Council (JHADC)-ni election-ko, 2025 bilsini February jani 21 tariko ong•atanggen aro vote channaniko February jani 24 tariko dakanggen inenba mongolbar salo parakataha.

Deputy Chief Minister, Prestone Tynsong, DCA department-ni on•gimin janapanio pangchake, ge•gni autonomous district council-rangna election-ko ong•atna cabinet-ni didianiko Governor ra•chakaha inenba kobor ra•timgiparangna u•iataha.

ADC election-ni bidingo u•iataniko January 27 tariko on•anggen ine u•iatengon, nomination file ka•ani aro nipilaniko February 3 tariko dakangan baksana, nomination file ka•aniko ra•pilna gita bon•kamgipa sal February 4 tarik ong•gen ineba ua u•iatangaha.

Uasan ong•aigija, Deputy Chief Minister, draft electoral-rangko January 13 tariko nakatatgen ineba parakataha. Iano saoba maikoba dingtangatani ba den•galani donggenchim ong•ode January 22 tarikona somoiko on•anggen aro iarang pilakkon January 24 tarikon matchotate, bon•kamgipa electoral roll-rangko January 27 tariko parakatgen.

Iani gisepon, election-ko ong•atna tarikko parakatani sal chong•motan January 27 tarikoni model code of conduct-ko a•bachengatgen ineba ua u•iatangaha.

KHADC aro JHADC-ni ning•o donggipa pilak biaprangan, January 27 tarikoni model code of conduct (MCC)-ni ning•o ga•akgipa biaprang ong•gen ineba ua talataniko on•angaha.

Ia dam 2 ADC election-rangko ong•atanio, KHADC aro JHADC-na on•a nanggipa tangka paisarangoniko jakkalanggen ineba, Tynsong u•iatangaha.

Na·simang ia video-koba nina man·gen:

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub