Shillong, Feb 27: Khasi Hills Autonomous District Council (KHADC) aro Jaintia Hills Autonomous District Council (JHADC)-ni gital seokako man•gipa sak 58 MDC-rang, Bristibar salo ku•mikchetaha.

KHADC-o sak 29 MDC-rangni ku•mikchetaniko East Khasi Hills a•jani Deputy Commissioner RM Kurbah dilangaha aro ia sak 29 MDC-rangoni sak 28-de English ku•sikchi ku•mikchetahaoba, KHADC-ni gitcham Chief Executive Membor aro Sohra-ni UDP MDC Titosstarwell Chyne-de Khasi ku•sikchi ku•mikchetskaaha.

KHADC-o gital MDC ong•e ku•mikchetgiparangoni sakgittamde Nongspung-Sohiong-ni MDC Synshar Roy Kupar Lyngdoh, Langrin-ni UDP MDC Pius Marwein aro Jirang-ni NPP MDC Sosthenes Sohtun ong•a.

Ia chang KHADC election-o me•chik candidate-rangoniba sakbri seokako man•aha aro uamangara, Laitumkhrah-Malki constituency-ni VPP MDC Deiti Majaw, Mylliem-ni VPP MDC Aibandaplin L Nonglait, Nongshken constituency-ni NPP MDC Grace Mary Kharpuri aro Nongpoh-ni NPP MDC Rona Khymdiet ong•a.

Ia chang VPP-ni seokako man•gipa pilak MDC-rangan skanggipa changna MDC ong•enggiparang ong•a.

JHADC-o sak 29 MDC-rangni ku•mikchetaniko West Jaintia Hills a•jani Deputy Commissioner dilangskaaha aro ia salo JHADC-ni CEM Thombor Shiwat baksana gitcham CEM sakbri, chong•motan Hambertus Nongtdu, Madonbai Rymbai, Andrew Shullai, aro Moonlight Pariat-ba ku•mikchetangaha.

JHADC-o seokako man•gipa sak 29 MDC-rangoni sak 13-de NPP, sak 8-de VPP, sak 3-de UDP, sak 3-de Congress aro sak 2-de Independent candidate-rang ong•a.

Na·simang ia video-koba nina man·gen: 

Na·simang iakoba poraina man·gen: NITI Aayog-ni member-rang ZMCH-ko nirokea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub