U•IATTIMGIPAONI
Shillong Feb 14: Re•baenggipa February 21 tariko ong•atenggipa Khasi Hills Autonomous District Council (KHADC) election-na Bristibar salo, Meghalaya a•dokni Chief Minister aro National People’s Party (NPP)-ni national president Conrad K Sangma, party candidate aro MDC Carnes Sohshang-na, Mawkyrwat constituency-ni dingtang dingtang songrango campaign ka•angaha.
Mawkyrwat constituency-ni ning•o donggipa Shngimawleiñ, Mawthawpdah, Umdohlun, Mawpat, Mawlangwir, Mawkyrwat, Rangmaw, aro Sakwang songrangona Chief Minister wenangenba, NPP-ni candidate-na campaign ka•angaha.
Ia songrango ua jinmana aganprakengon, ia jolrangko ru•utbea bilsirangna galchipahani gimin uamang NPP aro sorkarini gita namroro silroroatna nangnikenga aro ia namroro silroroaniko ra•bana gitade ua manderangni bakrimanikoba nangenga ine ia district council election-o NPP-ni candidate-ko seokchina manderangko didiangaha.
Dingtang dingtang party-rang, NPP-ni kosako tol•e matnanganirangko dakna jotton ka•enga ine janapatengon, re•baenggipa February 24 tariko election-ni result-rangko parakatahaon, ia party-rang aro uamangni ku•mikchetanirang gimatokaignok ine Sangma aganaha.
Namroro silroroaniko ra•bana man•na gita, name chanchie dilgipako seokchina jolni manderangko didiangengon, a•doko sorkariko NPP-ni dilanichisa chalaiengani gimin namroro silroroani aro manderangni nangnikanirangkode NPP-san chu•sokatna man•aigen ine Chief Minister aganaha.
A•dokni dingtang dingtang biaprango community health centre (CHC)-rangko on•china dabitokengani gimin janapatengon, CHC-rangko rikanio tangka paisani gita neng•nikanirangko chagrongna nangengani gimin pilak biaprangode CHC-rangko on•na man•jawa indiba je biaprangon primary health centre (PHC)-rangko namdapatchina dabiengachim, uandakgipa biaprangode PHC Plus-ko sorkari on•gen ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Legal & Forensic Education-ko nambatatna MoU-o soi ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
