Shillong, Feb 16: National People’s Party-ni dilgipa aro Meghalaya a•dokni skotong Minister Conrad K. Sangma, Khasi Hills Autonomous District Council aro Jaintia Hills Autonomous District Council-ni MDC Election-o NPP-ni candidate-rang chena ka•dongsoenga ine KHADC-o susaenggipa candidate Sosthenes Sohtun-na chakpaaniko on•e Jirang-o campaign ka•ani somoio parakataha.
Ia election-ni gamchatani gimin janapengon, gipin political party-ni dilgiparang jatska jatgipin baksa kajia ong•atgni politics-ko kal•enga aro manderangko bakna jotton ka•enga, indake ong•genchimoba iandakgipa kattarangko knachakgija, mandena ka•sagipa aro mikkangchi a•dokni namgni ni gimin chanchie NPP-na pu•onchina Skotong Minister didiangaha.
A•dokni manderangna dangdike on•a gisiko nanggipa aro saksa a•songko dilna sapgipa ong•anina Sohtun-ko ua de•mitele aganengon, sima ario pilak a•sel ong•gni aro nangnikgnirangko uan sorkarina janapanggen ine janapataha.
A•doko dingtang dingtang neng•nikanirangko dingtang dingtang bewalrangchi chagrongna nangenga, indake ong•genchimoba, ia pilakkon aro tribal jatrangni namgnina chel•chaksona gita council-ara nangchongmotgipa ong•ani gimin ia pilakkon NPP bilo ong•genchimosa manderangni nangnikaniko chu•sokatna man•gen ine aganan baksa, KHADC aro JHADC damgnion NPP chena ka•dongsoenga ineba Conrad janapataha.
Indake chang 39-gipa National Games-ko 2027 bilsio a•doko ong•atnasiengani bidingo janapengon, a•doko kal•susaani a•bao tang•dona man•gen ine nike Indian Olympic Association aro ma•mong sorkari, ia chang 39-gipa National Games-ko ong•atna gita Meghalaya a•dokko seokaha ine aganan baksa, bilsi gni mangni gisepon, Khasi, Jaintia aro Garo Hills-o kal•susachakram biaprangko tarie on•gnok ineba Skotong Minister janapataha.
Una agreba, ia kal•susachakram biaprangko Shillong, Jowai aro Tura-osan rikaijawa, indiba ning•tugipa biaprangoba chong•motan, ning•tugipa songrangoba rikgen ineba ua parakataha.
Indake, Meghalaya Sports Policy-ni gita, jemangan ia National Games-o medal-rangko man•gen, uamangna sorkarini kamko on•gen ine tik ka•manaha, uni gimin medal-rangko man•a gita tarisamsochina aro krengtokchina chadambe sakantikon ua didiataha.
Na·simang ia video-koba nina man·gen:
Na·simang iakoba poraina man·gen: Meghalaya a•dok APAAR ID tarianiko ta•rakchina gita didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
