Shillong, Sept 15: A·palchini napbagiparang bang·rorona kenchaksoenba, NGO-rang aro dingtang dingtang dolrangni raken champengsotokanichi Khasi Hills a·jaona rel ramako sokatbana gita da·odipet cholrang dongkujaenganiko nike, a·dokni gipin a·jarangona rel ramako ra·baskana gita sorkari cholrangko niamengkua ine a·dokni skotong minister Pa Conrad K Sangma, Sukrobar salo aganangaha.
Railway project-ko dontongna gita man·jawa ine Northeast Frontier Railway (NFR)-ni manderangni aganan kakket ong·a, indiba iako manderangni namgnikgijani kosakode drae ra·bana gita man·taija ine skotong minister, kobor ra·timgiparangna aganenba, Khasi Hills a·jaona ra·baenggipa skanggipa project-ko manderang jegalsotokengani gimin, sorkari iako a·jani manderang baksa skangggipa melie kamko ka·na nangenganichi somoi nanggen ine parakataha.
“Da·o, rel ramani project-na chamatgipa tangka-paisarangba chingo gnang, indiba project-ko a·bachengna gitan man·jaenganichi India sorkari ua tangkarangko sandiatskaode, chinga ua tangkarangko walpilatna nanggen ong·jaode, a·dokni ning·on ge·gipin project-na ua tangkako jakkalskana gita nanggen ine Pa Sangma aganangenba, iani gimin railway minister-na u·iatmanaha aro ia chanchianiko minister an·tangba namnikpaaniko on·ataha.
Uni gimin, chinga ge·gipin project-rangna cholrangko niame niskaenga aro man·adipet chinga iakon dakna gita mikkangchi ja·kuko de·anggen ong·jaode, a·doko rel ramako sokatbana gita dingtangmancha chamatgipa tangkarang noksan ong·ainok aro a·dokna gimaani ong·skagen ineba skotong minister agandapataha.
A·doko, Inner Line Permit (ILP)ko ra·gatgenchimode, Khasi Hills a·jaoba rel ramako ra·bana man·naba dongachima ine sing·anina, Pa Sangma, ILP-ara a·dokona napdrabagiparangko champengsona gita dingtangmancha on·gimin niam ong·a, indiba manderangni mikkangchina jajrengsoaniko namatna gita minggipin dakgipa niamrangba dongskagenchim ine aganchakangskaaha.
Iakoba poraie nina man·gen: Lok Sabha election-na candidate-ko, susaanio chegnigipako seokgen: NPP
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
