Shillong, Oct 16: Khasi ku·sikko Meghalaya a·dokni ku·sik ba official language dakchina dabianirang baksa, Khasi Authors’ Society (KAS), Sombar salo, a·dokni skotong minister Pa Conrad K Sangma-ko gronge agangrikangaha.

Pa Sangma-ko grongani somoio Khasi Authors’ Society-ni padot Pa DR Nonglait, uamangni minggni chanchianirang baksa a·dokni skotong ministerko gronge agan-golpogrikaha aro ianoni mingsara Khasi-ko a·dokni official language dake ra·gatani gimin agan-ku·pattiangaha, maina da·odipetde Khasi-ko official language-o napchapatasan ong·kuaienga ine parakataha.

“Ku·tangde official language-o chappagipa ong·na kraja, uni gimin Meghalaya Language Act 2005-ko taridapchina gita chinga skotong ministerko mol·molaha ine Pa Nonglait aganenba, A·chik ku·sikkoba uamang maming champengani dongja, uni gimin official language ge·gniba dongna man·aia ine ua aganangkuaha.

Unbaksana, batanggimin salo Delhi-o uamangni jingjengatmiting somoio resolution-ko ra·gatanggipani gimin skotong minister-na u·iatenba, ma·mongni Home minister aro Prime Minister-na uamangni on·gipa memorandum-ni gimin agangrikchina gita Pa Sangma-ko didiangaha, jenan skotong minister uamangna ka·dongataniko on·an baksa Khasi-ko official language dakani gimin ua poraie nichengenba ja·mano chanchirimna ku·rachakatanikoba KAS-ni padot janapatjolaha.

Iakoba poraie nina man·gen: A•chik Youtuber MasterChef India-o susagen

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub