Shillong, Nov 22: Shillong songjinmani Khyndailad (Police Bazar)-o chonchongipa dokkanrangko aro ma•manti bosturangko palbadinge cha•enggipa manderangko sorkarini seokgimin dingtang biaprangona apjitatna manchianiko jegale Sukrobar salo, ia biapo palbadinge cha•enggipa bang•bea manderang, Shillong Municipal Board (SMB) office-ona re•jomangtokaha.

Khyndailad-o ma•manti bosturangko palbadinge cha•enggipa manderangko dingtang biaprangona apjitataniara, uamangni janggi tanganio neng•nikanirangko ra•baani ong•gen inenba ia biaprango palbadinge cha•enggipa manderang, mai miksonganio uamangko dingtang biapona apjitatenga ine SMB-o sing•doangtokaha.

Ia biaprango palbadinge cha•enggipa manderang, Khyndailad-oni SMB office-ona re•jomangenba, SMB-ni Chief Executive Officer-ko grongna gita dabitokahachim indiba SMB-ni CEO da•o dipet Tura-osa ong•enga ine uamangna u•iataha.

Meghalaya a•dokni Tourism Minister Paul Lyngdoh-ni talatani gitade, ia Khyndailad jolara, 2024 bilsini November ja dipetan Pedestrian Zone ba ja•achi re•gipa biapsa ong•engahani gimin ia biapo donggipa pilak dokkanrangkon dingtang biaprangona apjitatna siengahachim.

Na·simang ia video-koba nina man·gen: 

Na·simang iakoba poraina man·gen: Assam, Bongaigaon-ni NH-17-o rama a•sel ong•anio paningsa sakgni sia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub