Agartala, Mar 21: Kokborok ku•sikna Roman oikorko ra•gatchina dabienba Sukrobar salo, Twipra Students Federation (TSF), Tripura a•dok gimikon, ramarangko champengate jingjengatanirangko dakangaha.
TSF-ni parakatani gitade, Tripura a•doko Kokborok ku•sikko agangipa manderang, ru•uta bilsirangna skangonin uamangni ku•sikna Roman oikorko ra•gatchina dabiengachim indiba da•alonan uamangni dabianirangko sorkari knachakjaengani gimin Sukrobar salo uamang, ramarangko champengate jingjengatangaha.
Ia apsan salon, Tripura Assembly-ni Budget Session-ko a•bachengatahachim indiba TSF-ni membor-rang, Airport, Assembly aro Agartala High Court-ona dakanggipa VIP road-ko champengate jingjengatangskaaha.
TSF-ni in-charge aro YTF-ni general secretary James Debbarma-ni kobor ra•timgiparangna aganani gitade, Tripura a•doko Kokborok ku•sikko jakkalenggipa manderang Bengali oikorkosa jakkalna nangkuengani gimin bilsi 50-na skangan Kokborok ku•sikna Roman oikorko ra•gatchina dabitokengachim indiba ia dabianiko da•alona kingkingan Tripura sorkari chu•sokatchipkujaenga.
Kokborok ku•sikna Roman oikorko ra•gate on•kujaskal uamangni dabianiko dontongjawa ineba TSF-ni dilgipa parakataha.
Na·simang ia video-koba nina man·gen:
Na·simang iakoba poraina man·gen: Dy Speaker-ni case ka•gipa youtuber sakgniko kachario mikkangpachina ge•eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
