Guwahati, Aug 16: Sukrobar salo, Guwahati Medical College and Hospital (GMCH)-ni sak 400 mangna batpile doctor-rang, Kolkata-ni RG Kar Medical College and Hospital-o Junior doctor saksako drae til•ekenba ka•saninggija so•ote galahanina, duk kalimpaaniko mesokani gita, Guwahati-o jingjengatangaha.
Batanggimin August 9 tariko, Kolkata-ni RG Kar Medical Hospital and College-o duty-o ga•akenggipa Junior Doctor, Moumita Debnath sagiko drae til•ekenba ka•saninggija so•ote hospital ning•aon galangahachim. Ia a•sel ong•aniko jegale, Sukrobar pringni 8:30 bajimangoni, Doctor-rang, poraia matchotnasienggipa aro matchotkugijagipa doctor-rang, aro intern ong•e kam ka•enggiparang, ia a•selo ga•akgipa doctor-na kakket bichalko ka•e on•china dabie lekka pal•takrangko ra•e jingjengataha.
Indake GMCH-ni Junior Doctors Association, GMCH-o emergency ba nangchongmotgipa sanna bannaniko on•ana agre gipin kamrangko ka•jawa ine parakatenba jingjengatangaha.
Ia jingjengatenganiko, Kolkata-o a•sel ong•ana mang•mangsan dakenga ong•jaenga indiba, India a•songo sanna bannaniko on•enggipa dolrangni kosako kragija aro ka•saninggija ka•enggipa kamrangko chagrongna nangenggipa neng•nikanirangni kosako chadenganiba ong•enga ine Doctor-rang parakataha.
Unbaksa, hospital ning•o chel•chaksoenganiko bilakbatatna nangchongmotenga aro kakket bichalko ka•e on•a nanga ine Federation of Resident Doctors’ Association (FORDA) baksa Junior Doctors Association nangrime dabiangaha.
Koborko man•soani gita, Ia kragijagipa aro ka•saninggijagipa kamko ka•anio dosi gnanggipa Sanjay Roy baksa gipin manderangba bak dongpaakon ine chanchipenga aro ia a•selni bidingo CBI am•sandianiko dakengaha.
Na·simang ia video-koba nina man·gen:
Na·simang iakoba poraina man·gen: M’laya-ni gitcham CM a•gilsakko watanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
