Shillong, Mar 22: Kristianrangko onchepenga aro Kristianrangni olakkiram nokrangko nisie galenga ine Meghalaya Pradesh Congress Committee (MPCC)-ni president Vincent H Pala-ni matnanganiko Sukrobar salo, Meghalaya a•dokni Bharatiya Janata Party (BJP) jegalatenba, iani bidingo sakkirangko mesokchina dabiangaha.
BJP-ni kosako iandake matnanganiranga manderangko dilsretna jotton ka•anisan ong•aia ine janapatengon, batanggimin somoirango a•songni Prime Minister Narendra Modi an•tangan dingtang dingtang mondolirangko gronge, Kristianrangni kamrango bakrimanirangko on•aha ine BJP Meghalaya-ni spokesperson Mariahom Kharkrang parakataha.
Krismasna skang Prime Minister-ni noko dingtangmancha program-ko ong•atanioba ua Jisu Kristona aro uni kamrangna mittelpilaniko on•aha ineba ua parakataha.
Prime Minister Narendra Modi, Jisu Kristoni kamrangko mittelpile, uni kamranga a•songo namroro silroroanina teng•anichi dilgipa gita ong•a ine aganahachim ine janapatskaengon, “Congress dolko dilenggiparangoni saoba iandake Kristo aro uni skiprakaniko mittelpile agangiparang dongahama?” ine Kharkrang sing•doataha.
Krismasni somoio a•dokni Cabinet Minister AL Hek baksana BJP-ni dingtang dingtang dilgiparang, bi•sarangna aro cholgri manderangna dingtangmancha program-rangko ong•ate, kusiniko ra•baaha ineba Meghalaya BJP parakataha.
Congress dolna cholrang komiroroangengahani ine ma•siengani giminsa Congress dolni dilgiparang, BJP-ko ga•akatna gita iandake manderang tol•e sakkirangko on•na jotton ka•enga ineba Meghalaya BJP-ni spokesperson Mariahom Kharkrang parakataha.
Na·simang ia video-koba nina man·gen:
Na·simang iakoba poraina man·gen: Assam-o AAP-ni membor-rangko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
