Shillong, July 6: Khasi Students Union (KSU)-ni President Lambokstar Marngar aro General Secretary Donald Thabah-ni dilanichi, KSU dolni member-rang baksa Ri-Bhoi a•jani National Highway (NH)-6 ramao donggipa Pahammawlein songni ILP check gate-o dongpenge, a•dokona napsrukbaenggipa manderangko Sonibar salo am•sandiangaha.
Ia ja•kuko uamangni de•aniara, a•dokona niamgri napsrukbaenggipa manderangko champengsona man•jaenganina sorkarini kosako jegale jingjengatani ong•achim.
KSU-ni dilgiparang, napsrukbaenggipa manderangko champengsona man•a gita NH-6 rama gita re•baenggipa garirangoniko lekkarangko sandiangaha aro uamango lekkarang chu•onga gita dongjagenchimode uamangko a•dok ning•aona napna on•jaha.
Indake ong•engon, Magistrate aro Ri-Bhoi Police dolrang ua biapona re•bae ILP check gate-o dongpenge am•sandianiko dontongchina KSU dilgiparangko didiaha, indake ong•genchimoba, a•doko ILP aro Meghalaya Residents Safety and Security Act (MRSSA)-ko a•dok sorkari aro ma•mong sorkari ra•gatjaengani gimin uamangni kosako jegale jingjengatani ong•a ine KSU President Lambokstar Marngar aro General Secretary Donald Thabah aganchakaha.
Unbaksanaba, a•dokona niamgri napsrukbaenganiko sorkarini gita nengrae ra•enganinaba uamang sorkariko matnangataha.
Indake uamangni ILP check gate-rangoniko sandirikitaniko dakengani skanggipa changna ong•jaha indiba, niamgri napsrukbaenganiko bonatna gita iana skangrangba bang•en sandianiko dakangaha. Sorkarini gita iandakgipa obostarangko namdapatna man•jaenganichi a•dokni manderangna kenbeaniba ong•gen ineba uamang janapataha.
Una agreba, a•doko MRSSA-ko a•dok sorkarini gita ra•gatna nanga aro ILP-ko ma•mong sorkarini gita ra•gatna nanga ineba KSU dilgiparang dabiataha.
Ia dabianiko sorkarini gita chu•sokatna man•jagenchimode, a•dokni dingtang dingtang bakrangoba iandake sandirikitaniko mikkangchiba dakangkugen ineba KSU mikrakataha.
Na·simang ia video-koba nina man·gen:
Na·simang iakoba poraina man·gen: Mellim-o bija jilgiparang baksa CM tom·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
