Shillong, Apr 4: Ia sal somoirango East Khasi Hills a•jao so•sojengjeng ong•anirangko nikna man•engani gimin sorkari permission-ko on•jahaoba, Bristibar salo Khasi Students Union (KSU) manigija, bilsianti manirongenggipa National Awakening Movement Day-ko Shillong songjinmani Mawlai Nongpdeng-o tom•tome maniangaha.
Bilsiantian April jani 4 tariko Khasi aro Jaintia-rangko biltangna mikrakatna gita ia National Awakening Movement Day-ko manirongenga indiba ia bilsiode Lok Sabha election-na Model Code of Conduct (MCC)-ko ra•gatahani gimin ia salko manina gita sorkari permission-ko on•jahachim.
Ia salko manianio, KSU-ni general secretary Donald V Thabah, tom•anio bak ra•giparangna aganprakangengon, ia changode sorkarini dongimin niamrangko manie uamang ia salko chone manienga indiba mikkang bilsiode ia salko KSU, dal•bate manianggen aro darangba ia manianiko champengna man•jawa ine aganangaha.
Ia bilsio National Awakening Movement Day-ko KSU, East Jaintia Hills a•jani Khliehriat-osa manina manchisoahachim indiba district administration-ni gita permission-ko on•jahani gimin uamang ia salko Mawlai-o maniskaaha ineba Thabah aganaha.
Na·simang ia video-koba nina man·gen:
Na·simang iakoba poraina man·gen: Assam-ni Morakolohi chibimao niam gri an•cheng bikotenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
