Imphal, Nov 29: Manipur a·doko songdongenggipa Kuki-Zomi-Hmar aro Mizorangni biapo dingtang sorkariko on·china ma·mong sorkario dabie, ia jatrangni nangrime bikotgipa Zo United, Budbar salo, Churachandpur jillao jinma re·jomaniko ong·atangaha.

Jinma re·jomaniko Lamka Public Ground Hiangtam-oni pring 10:30 bajio a·bachengataha.

Zo United-ni re·jomanina Joint Philanthropic Organisation (JPO)-ni gitaba dakchake on·angaha aro ia re·jomaniko Christian Goodwill Mission-ni finance secretary N Neihsial a·bachengate on·skaaha.

Jinma re·joma matchotani ja·man uamang iani bidingo dingtangmancha Union Home Minister Amit Shah-na memorandum-koba on·ataha.

Ia jinma re·jomaniko ong·atani bidingo Zo United-ni convenor Albert Renthlei, kobor ra·timgiparangna talate on·angengon, Kuki, Zomi, Hmar aro Mizorangni songdongenggipa biaprango dingtang sorkariko on·china dabianio kamrang ka·sinengani gimin kamrangko ta·rakbatatchina gita dabie uamang ia re·jomaniko ong·ataha ine parakataha.

Jagnina skangsan uamang iani bidingo ma·mong sorkarina sedoatahachim indiba da·alonan maming aganchakanirangko on·na dongkujaenga ineba Albert aganaha.

Iakoba poraie nina man·gen: Robibar salo vote-rangko channa tik ka•gimin tarikko ra•doatchina Mizoram NGO dabianiko dakanga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub