Guwahati, Aug 3: Ministry Of Home Affairs (MHA), Assam Rifles-ni 9th aro 22nd Battalion-rangko ra•galskae Central Reserve Police Force (CRPF) dolrangko donatskana mangsongenganiko nangnikjae, Kuki-Zomi-Hmar-ni sak 10 MLA-rang chong•motan, Saitu-ni MLA Haokholet Kipgen, Saikul-ni MLA Kimneo Haokip Hangshing, Churachandpur-ni MLA LM Khaute, Tipaimukh-ni MLA Ngursanglur Sanate, Tengnoupal-ni MLA Letpao Haokip, Henglep-ni MLA Letzamang, Singngat-ni MLA Chinlunthang, Saikot-ni MLA Paolenlal Haokip, Kangpokpi-ni MLA Nemcha Kipgen aro Thanlon-ni MLA Vungzagin Valte, Manipur a•doko so•sojengjeng ong•anio bang•bate nangchakea man•gipa jolrango nirok chel•chaksona gita Assam Rifles (AR) dolrangkon donkuchina mol•mole a•songni Prime Minister Narendra Modi-na memorandum-ko on•angaha.
Manipur a•doko jatgnini gisepo nanggrikanio nangchakea man•gipa mongsonggipa biaprang jekai, Kangvai aro Kangpokpi a•jarango Assam Rifles-ni palo CRPF dolrangko donatskana mangsonganirang gnang. Iani gisepon, AR dolrang an•tangtangni kamrangko namen ka•engachim maina uamang dolgnikon mikkang nitegija nirok chel•chaksoaniko dakenga. Indake, uamangni palo CRPF dolrangko donatskahaode, Kuki-Zomi-Hmar jatrangna bate Meitei jatrangko mikkang nitee uamangko mangrakbatatanina chol ong•skanaba donga jean uamangna kenchaksoani ong•skaenga ine Kuki-Zomi-Hmar-ni Sak 10 MLA-rang memorandum-o janapataha.
Jedake uamang chel•chakaniko dakbaengachim, uandaken AR dolrangan mikkangchiba chel•chak nirokaniko dakangchina, mongsongbate, Meitei aro Kuki, Zomi aro Hmar jatrangni gisepo kenmangija uamangni ma•ekatani kamrang bilongen namgipa ong•ani gimin 9th aro 22nd Bn. AR dolrangko ra•galgenchimoba, Assam Rifles-ni gipin battalion-rangko rakkiskachina ineba uamang mol•molatskaaha.
Na·simang ia video-koba nina man·gen:
Na·simang iakoba poraina man·gen: Muttock jatrang ST ine chanpaaniko nangnike dabianiko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
