Guwahati, June 10: Kulsi Chibimao mega hydroelectric dam-ko rikna chanchianirangko jegalna Sombar salo mingsinggipa Ukiam picnic spot-o dingtang dingtang dolrangni manderang baksa Assam aro Meghalayao songdonggiparang tom·aha.
Assam aro Meghalayani skotong Ministerrang Guwahati-ni Kaindhara-o June 2 tariko gronge ia dam-ko rikna ine dolgnian namnike ra·chakaha. Ia chanchianiko August 15-o name tik ka·na miksongenga.
Ia dam-ko rikanichi biapni do·o-matrang aro bol-wa·arangna namen gimaani ong·gen aro komibeoba song dam 25-30ni manderang songtang-noktangoni jitna draatako man·gen ine jegalgiparang aganaha.
Ia jegalanio bak ra·gipa saksa indake aganaha: “Kulsi-o rikna miksongenggipa dam-ara a·dok damgnini bang·a manderangna neng·nikanirangko ra·bagen. Ian songrangko mripgen, an·chingni samtangtangna namgijaniko ra·bagen aro songni-nokni manderangni janggi tangani cholrangko nosto ka·gen. Uni gimin da·al June 9 tariko chinga Garo National Council, Garo Students’ Union, Rava Students’ Union, Rava National Council, aro Rava Women’s Council, iana ku·monge re·baaha, Chinga ku·cholsan chadenge ia projectko jegalenga. Chinga ia dam-ko rikna on·jawa.”
Uandake dam-ko rikanio pilak chanchisoenggipa kamrangko ta·raken dontongchina aro mikkangchina pangkamgipa silroro-namroroaniko ra·bachina jegalenggipa manderang dabiaha.
Na·simang ia video-koba nina man·gen:
Na·simang iakoba poraina man·gen: DTO-ko ra•galchina dabie GSU, office picketing ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
