Dibrugarh, June 28: Assembly aro Lok Sabha seat-rangna Assam a·doko simarangko taridapna India-ni Election Commission-ni delimitation draft-ko on·anggipani bidingo jegale mija Mongolbar salo Lahowal-o konta 12-na kingking champengataniko dakanganio Dibrugarh-ni Lahowal assembly constituency-ni manderangni gisepo dingtang dingtang agananirangko nikangna gita man·aha.
Lahowal assembly constituency-ko bon·atani kosako jegalenba, jingjengatgiparang Mongolbar salo National Highway-o tyre-rangko so·e jegalaniko dakangaha aro dokanrang gimikan chiptokahachim ine nikna man·a.
“Delimitation draft-ni gita ECI-ni Lahowal assembly constituency-ko ra·pilaniko chinga raken jegala aro skanggipa draft-ko on·na skang Lahowal-ni manderang baksa chanchirimchengna nangachim, aro NRC-ni kamrang matchotgijan ECI, maikai assembly constituency-ko taridapani kamrangko ka·na nanga ine sing·doan baksa Lahowal college-ni Principal, Jyoti Prasad Dutta, an·tangni suk ong·gijaniko parakangaha.
“Manderang baksa agangrikchenggija Lahowal assembly constituency-ko bon·atna gita ECI-ni tik ka·ani kosako chinga democratic-ni niamo jegalanirangko dakangkugen aro ia mamlani bidingo Lahowal-ni MLA, Binod Hazarika, jrip-mittip dongskaenga ine Lahowal-oni saksa songsalni namgnina kamko ka·enggipa Annapurna Nath, aganangskaaha.
Iakoba poraie nina man·gen: Rangmalgre songni manderang me•chik saksako jokata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
