Shillong, Feb 8: A•dokni Skotong Minister Conrad Sangma, Health Minister Ampareen Lyngdoh-ni dongpaanio, Iew Laitumkhrah-o gital dake riktaipilenggipa MUDA Shopping Complex-ko Bristibar salo nirokangaha.
Batanggimin 2022 bilsini October 28 tariko wa•al kamanichi ia anti cha•chakram biap nosto ong•atako man•aha, indake ia biapko taritaipilengani ru•utgijan matchotnasiengaha.
Ia biapko nirokengmiting somoio, ia anti cha•chakram biapo pale sim•e cha•enggipa dolrang ia project-ko ta•raken kam ka•enganina aro Shillong songjinmao nambatsranggipa anti cha•chakram biap ong•atnasienganina kusi ong•aniko parakangaha.
Health Minister Ampareen Lyngdoh-ba, kamrangko ta•rake matchotatenganina kusi ong•aniko parakangan baksa 2026 bilsini March jani gisepo ia project-ni gnigipa bakko matchotatgen ine janapataha.
Indake ia project-ko matchotman•ahaon, sak 500 mangni gita pale sim•e cha•enggipa dolrangna biapko on•a man•gnok aro uamang je dakgipa bosturangkoba ia biapo pale cha•na man•gnok, uasan ong•aigija, doka dam•aniko dakmesokgiparang baksana cha•a ringanikoba palgipa dokanrangba donggen aro rongtal an•tale rakkina man•a gita jabolrangko galchakani biapkoba tarina mangsongenga ineba ua janapataha.
Una agreba ia biapo gari donchakani aro re•baenggipa manderangna asongchakanikoba tarianggen.
Na·simang ia video-koba nina man·gen:
Na·simang iakoba poraina man·gen: Guinness World Record-ko man•a gita Jhumur chrokaniko Assam skisamsoenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
