Guwahati, June 5: World Environment Day-ko, samtangtango donggipa ong•telaigipa gamrangko chel•chaksoe simsake rakkiani gimin u•iataniko on•a miksonge bilsiantian June 5 tariko a•gilsak gimikon manirongbaenga.
Ia salko, 1973 bilsio, United Nations Environment Programme (UNEP) a•bachengataha aro untalsa, ia salko maniani a•gilsak gimikona gipangaha.
2024 bilsini ia salko manianiko Saudi Arabia sokachakaniko dakangaha, jeon, a•arangko skango gita apsan ong•atpilna, a•gisi ong•aniko chel•chaksona aro chi ran•anganiko tangatpilna nangchongmotaniko u•iataniko dakangaha.
Ia bilsini katta bichongan, 2021-2030 bilsirangni gisepo samtangtango donggipa ong•telaigipa gamrangko tangchaatpilani pangchakaniba ong•a.
An•ching gitcham sal somoirangona re•angpilna man•jagenchimoba, mikkangchina chanchie, buring-rango bolrangko ge•e ripingna, chiring chibisikrangko tange rakkina aro a•arangko a•sal gnanggipa ong•atpilna nanga.
Ia salko manianio, UN Convention to Combat Desertification (UNCCD)-ko a•bachengataoni bilsi 30 gapanikoba gisik ra•angjolaha. Indita bilsina chu•sokbaaniko gisik ra•ani gita, UNCCD-ni Conference of the Parties-ni ming 16 session (COP 16)-ko 2024 bilsini December 2 tarikoni 13 tarikona Riyadh-o ong•atanggen. Ia conference-o a•gilsak gimikoni dingtang dingtang dilgiparang aro seng•gipa gisik a•ning bitgipa manderang tom•bae a•gisi ong•aniko champengsona aro a•ako tangatpilani ja•kurangko chanchirimaniko dakanggen.
World Environment Day-ara mingsa manianisan ong•aija, indiba, samtangtango donggipa gamrangko ripinge rakkina ja•ku de•na nanganiko u•ie ra•aaniba ong•a.
Indake ong•genchimoba, mandeni dakenggipa kamrangchi samtangtango donggiparangko nosto ong•ata aro buringrangko bol wa•a gri ong•ata, pollution ba rongtalgijagipa balwarangko ong•ata aro karirangko dingtangaona sokata. World Environment Day-ko maniachi, ong•telaigipa gamrangko ripingna aro tangatpilna ja•kurangko de•na nangchongmotenga ine gisik ra•atani ong•a.
Na·simang ia video-koba nina man·gen:
Na·simang iakoba poraina man·gen: BJP-ni mongsonggipa cabinet minister-rang 2024 LS Election-o sirika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
