Shillong, July 4: Meghalaya a•dokni Sports & Youth Affairs department, Meghalaya State Olympic Association (MSOA) baksa nangrime ‘Lead Program’-ko a•bachengataha aro ia program-ni ning•o international level baksana Olympics-rango susapana man•na gita saksku kal•susagiparangko training-na seokaha ine Mongolbar salo, a•dokni Sports Minister Shakliar Warjri parakataha.

Sports Minister-ni parakatani gitade, ia Lead Program-na a•dokni dam 12 a•jarangoniko gimik sak 14,500 kal•susagiparangko biming seahachim aro uni ja•man sak 200-ko seoktaienba bon•kamao sak 9 kal•susagiparangko training-na seokaha.

Ia saksku kal•susagiparangko da•o bilsi gittamna training on•anggen ine talatangengon, ia kal•susagiparangko Olympics-o bak ra•gipa manderang aro gipin skigiparang, skie on•anggen ine Warjri parakataha.

Ia saksku kal•susagiparangoni sakdokde athletics-na, sakgnide weightlifting-na aro saksade karate-na seokako man•aha.

Ia kal•susagipa skie on•gipa manderangni gimin janapatskaengon, uamangko skina gita Sports department, Australia a•songni Ian Campbell aro uni dolko tik ka•manaha ine Warjri parakataha.

Iakoba poraie nina man·gen: Sikkim-o pang lak 1-na baten bolrangko ge•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub