Shillong, Jan 23: Meghalaya a•dokni Education Minister Rakkam A. Sangma, chatro chatri donggijagipa skulrangko chipataia mangmangchi skulrangko namdapatna man•jawa, iandake chatro chatri grigipa skulrangni skigiparangko gipin skulrangchina watatna skang, ua skulrangni biapko aro sepangbatgipa skulrangko sorkari sandichenganiko dakenga ine Bristibar salo parakataha.
A•dokni sorkari skulrango chatro chatrirang dongjaengani bidingo sandina nangchongmotenga ine janapengon, ge 100 batpile sorkari skulrango chatro chatrirang donggijagipa ong•a, iandakgipa obostarangko sorkari nirokenga aro ia skulrangni skigiparangko gipin chatro chatri bang•kalgipa skulrangona watatskaenga ine aganan baksa, iandakgipa skulrang bang•batan SSA aro sorkarini chalaienggipa skulrang ong•bata aro ia obostarang maini a•sel indake ong•enga, uarangko sandie lekka pora-ko on•ani a•bao namdapatna sorkari jotton ka•enga ineba Sangma aganaha.
Unbaksa Education Minister, lekka pora-ko skie on•anio namdapatna gita name nirokaniko dakchina gita iandake chatro chatri komigipa skulrangko chalaienggipa Committee aro principal-rangko ua didiataha.
Indake, lekka pora-ko on•anio altugipa niamrangko ra•gatani a•sel a•doko lekka pora-ko skie ra•anio tang•onengakon ine matnanganirangna sing•aniko dakon, lekka pora-ko on•anio altubatgipa niamrangko ra•gatani gimin ong•ja, indiba batanggimin bilsi sotbonga mangna galchipe nirokgija donanichi bangbanggipa biaprango gapatna nangengani giminsa ong•enga ine sorkarini ga•enggipa jakurangna warachake aganaha aro unbaksana, batanggimin somoirango skulrangko chalaianiko niatgenchimode namdapatna nanganirangko nika, mongsongbate songadam nokadamrango, train ka•a man•gijagipa skigiparang sak 18,000 mangna batpile gnang aro uamang bidako on•anio namen jotton ka•na nanggiparang ong•a, indake ong•engon, train ka•a man•gipa skigiparangko rakkie a•bachenggipa gadangonin gun gnanggipa poraia skianiko on•a man•gen ine ua talate on•angjolaha.
Indake nambata lekka pora skianiko on•a gita sorkari dingtang dingtang cholrangchi raken kamko ka•enga ine Sangma janapataha.
Na·simang ia video-koba nina man·gen:
Na·simang iakoba poraina man·gen: CM-ni dilanichi cr 53-ni ‘drugs’-rangko so•e gala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
