Shillong, Nov 13: Re•baenggipa 2024 bilsio ong•atna sienggipa Lok Sabha aro district council election-rangna United Democratic Party (UDP)-ni candidate-rangko seokkuja ine UDP-ni central executive committee (CEC) parakataha.

Re•baenggipa 2024 bilsion Lok Sabha baksana KHADC aro JHADC-ni election-rangkoba ong•atna siengachim.

Iani bidingo talataniko on•angengon, adita salrangna skang, Hill State People’s Democratic Party (HSPDP) baksa bakrime kamko ka•na parakataniara, mikkang bilsio ong•atna sienggipa MP election-ni bidingosan ong•aia ine Sombar salo, UDP-ni president Metbah Lyngdoh parakataha.

Lyngdoh-ni parakatani gitade, Tura Parliamentary seat-na UDP-ni candidate-ko seokna gita uamang, UDP-ni state election committee-ni pakwate on•aha maina ia committee-on core committee-ni membor-rang aro Garo Hills-ni dilgiparangba donga.

2024 bilsini election-na UDP-ni tarisamsoanirangko janapatengon, MP aro MDC election-o kamrangko ka•dilna gita membor-rangko seokna UDP-ni CEC, state election committee-nan bilko pakwatmanaha ine UDP-ni president parakataha.

Iakoba poraie nina man·gen: Siju Karukol jolni ramarang namjabeoba sorkari-ni gita nigalenganina jegale jinma re•jomaaniko daka

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub