Shillong, Nov 13: Meghalaya a•doko National Food Security Act (NFSA) 2013-ni bidingo manderangna ma•siate on•anichi cha•ani ringani gri ong•aniko bon•atna gita Sombar salo, Food, Civil Supplies & Consumer Affairs department-ni gita ‘Food Security’ campaign-ko a•bachengataha aro ia campaign-ko Meghalaya a•dokni Food, Civil Supplies & Consumer Affairs Minister Comingone Ymbon-ni jakchi, Shillong Press Club-o a•bachengate on•angaha.
Ia ‘Food Security’ campaign-ko a•bachengate on•angani ja•man, kobor ra•timgipa manderang baksa agangrikengon, National Food Security Act 2013-ni ning•o ra•gatgipa dingtang dingtang niamrangni bidingo manderangna ma•siate on•na gita ia department, media-rangko jakkalna cholrangko nienga ine Minister Ymbon parakataha.
Ia Food Security campaign-ni bidingo talataniko on•angkuengon, NFSA-ara a•songni manderangna cha•anirangko on•na gita sorkarini ra•gatgipa niam ong•e, cha•anirangko man•aniara manderangni bilan ong•ani gimin ia campaign ba program-ko ong•atanichi manderangna uamangni bilrangni gimin talatanirangko on•anggen ine Ymbon parakataha.
National Food Security Act-ni ning•o ‘One Nation One Ration Card’ scheme-ni giminba manderangna talatanirangko on•anggen ineba ua aganaha.
A•doko songdongenggipa manderangna merong aro uandakgipa cha•ani bosturangko sokate on•ani bidingo talate on•na man•na gita Khasi aro Garo ku•sikrangchi gitrangko tarie, music video-rangko ong•katatchina aro dingtang dingtang dakgipa kamrango bak ra•china gitaba ua a•doko songdongenggipa manderangko aro dingtang dingtang dolrangko didiataha.
Ia press conference-ko ong•atanio Cabinet Minister-ni jakchi, ‘Food Security’ campaign-ni bidingo Khasi aro Garo ku•sikrangchi tarigimin music video-koba oprake on•angjolaha.
Iakoba poraie nina man·gen: Myanmar-o gogrikani ja•man manderang Mizoram a•dokona katnaptoka
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
