Shillong, Sept 15: Re•baenggipa 2024 bilsini Lok Sabha election-na candidate-ko, susaanio chegnigipakosa seokgen ine National People’s Party-ni President aro skotong minister Conrad K Sangma aganangaha.

“Chinga party-ni gita, Shillong parliamentary seat-na jemangan party ticket-na susaaniko dakna am•engachim sakantinan mikkang nitegija apsan daken susana gita cholko on•enga aro iano bang•a candidate-rangonikon baseenga,” ine Sangma kobor ra•timgiparangna agangaha.

Mawsynram-ni gitcham MLA Himalaya Shangpliang, jean BJP party-oni ong•katahachim, uko party-o rimnapani gimin sing•on, beben chinga sakantikon rimchaksoa aro sakantina ia cholko on•enga indiba iani gisepon, party-ni gita pilakan a•dokna aro a•dokni manderangna dangdike on•a miksonge bakrimpachina maina ian miksongani ong•a aro jemangan party-ni mande ong•a, uamangba party ticket-na dorgasto galna sikode man•gen ine ua janapangaha.

Tura Parliamentary seat-ni bidingo janapatengon, da•o bilo ong•enggipa MP dongenga uni gimin jajrengchakagri da•o bilo ong•enggipa MP-na chanchina gita nangenga. Party ticket-ko on•anio nirokna committee-rang niam gita kam ka•enga uni gimin apsan daken Tura-oba cholrangko on•anggen ine Sangma agandapangkuaha.

Re•baenggipa Lok Sabha election-o Dadenggre-ni ong•anggitcham legislator, James K Sangma-ba ia susaanio bakko ra•enga ine jangbingbangenggipa kattani gimin janapengon, agangimin gita ia susaanio jeba dorgasto galna gita man•gen aro niam gita name nirokanikoba dakanggen ian sakantinan apsan ong•gen. Indiba politics-na pangnan political party-oni a·bachengani ja•pang ong•a aro je political party ba an•tangni candidate-ko bak ra•atna ska aro iano maming gualaniba dongja, unbaksana je political partyna kam ka•giparangba ong•bo jekai UDP ba HSPDP ba jeba ong•bo an•tangni party-ni tang•doaniko nikna siktelaigen uni gimin ia susaanio bakko ra•telaigen aro iano maming gualaniba dongja ine ua agandapangaha.

Iakoba poraie nina man·gen: U-16 Indian Football team-ni captain-ko Manipur-o rimchaksoa

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub