Guwahati, Mar 6: Trinamool Congress (TMC) party-ni dilgipa Susmita Dev, Congress party da•alo jajaenggipa biapo ong•enga aro indake jajaenggipa obosta baksa ia eleksin-o susaana man•jawa inenba aganaha.

Kobor ra•timgiparang baksa agangrikengon, Congress party-ni kosako BJP dolrang chalaienggipa ong•a aro uan ‘Kachadi’ gita chacha ong•enga. Indake iani gisepon, TMC-ko dilenggipa Mamata Banerjee, ia eleksin-o party ge•san ong•e susachina gita rongtalen janapataha aro Lok Sabha-o ge 40 MP seatrangko man•genchimode, chinga INDIA Alliance baksa bakrimgen ine aganan baksa, BJP dol baksa TMC susagen aro TMC, INDIA Alliance baksa nangrime sorkariko rikgen inenba Dev aganaha.

Unbaksana, APCC-ni President Bhupen Kumar Bora, TMC baksa dongpaaniko rongtale parakatkujaenga aro ia chango Lok Sabha-na susana gita AAP-ni dilgiparangna cholko on•gen ine ua parakataha. Indake ong•genchimoba, chinga Assam-ni manderangni gimin dakgrikangkugen ineba Dev agandapataha.

Na·simang iakoba poraie nina man·gen: U•ina man•gijagipa manderang Catholic Missionary-rangni nikrokenggipa buringko wa•al so•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020