Aizawl, Mar 17: Re·anggipa bilsio Mizoram a·dok sorkariko sason ka·ani bilona sokbagipa Zoram People’s Movement (ZPM), ia changni Lok Sabha eleksinko April 19 tariko ong·atgipao susasana ka·dongbeen tarisoaha.
Mizoram a·doko MP saksasan, aro jean Scheduled Tribena kanggimin ong·a. Mizoramo million 1.2 mande jelaoni 95% Scheduled Tribe ong·toka.
ZPM party-ko Laldujoma dila. Uan IPS officer gitcham ong·a, jean skango Indira Gandhi-ni security officer ong·achim. Re·anggipa bilsi assembly eleksino ZPM dam 40oni dam 27o chee a·dok sorkariko rikaha.
Lalduhoma, jean a·dokni MP ong·aha, uni dol Congress-ni dilgipa INDIA bloc aro BJPni dilgipa NDA-mingba dol dakani dongjawa ine 2023 bilsini eleksinna skang aro ja·manba aganaha.
Mizoram a·dok 1987 bilsini February 20 tariko Indiani 23gipa state ong·aonin Congress ba MNF sasonni bilko jako ra·baengachim.
MNF dol gitan ZPM dolba Citizenship (Amendment) Act aro Uniform Civil Codeko raken jegalgipa ong·a. Uamangni mongsong jako ra·e kam ka·na ku·rachakania Mizorangni dakbewal rikbewalko ripingani aro jatni gita gipin nanganirangan ong·a.
Mizoram Chief Electorate Officer Madhup Vyas-ni aganani gitade, a·doko pu·onna man·gipa sak 8,61,277oni sak 4,14,777 me·asarang, sak 4,41,520 me·chikrang aro sak 4,980 service voterrang ong·toka.
Na·simang iakoba poraina man·gen:Bangladesh-ni badingsrukgiparangko BSFni goanio saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
