39 C
Tura
spot_img

Lok Sabha polls| Meghalaya-o pring konta 2-ni gisepo vote on·nani 10% gapa

Must read

Shillong, Apr 19: Tura aro Shillong Parliamnentary constituency-rangna pu·onnanirang a·bachengon Meghalaya a·dok-ni dingtang dingtang pu·onchakram biaprango  pringni bakko banga manderangni bakko ra·aniko nikna man·naha.

Election Departmant official-oni u·iatani gitade pringni bakko 10 % mang manderang  pu·onaniko dakangaha ine parakata. Indake ong·genchimoba officialy parakatanikode dikdiksani jaman on·angen ineba parakataha.

Da·o ong·enggipa Turani  Lok Sabha MP Agatha K Sanmga uni vote-ko on·na pu·onchakram biapona pringni 7:30 bajimango sokbaenba konta 1 attamango  jinma baksa line ka·e senge pu·onnaniko dakangaha. Manderangni jinma pringni bakko pu·onna re·ongkatniko nike kusi ong·an baksana ian manderangko pu·ona gisiko nangbataniko nikenga ine parakataha.

Meghalaya a·dokni skotong  Minister Conrad K Sangma-baTura-ni  Walbakgre pu·onchakram biapona an·tangan gariko sale rebaenba d jinma baksa konta 2-na batpile  line ka·e senge pu·onaniko dakangaha.

“Anga gisikko skanggipa pu·on chenggipa ong·e medalko man·nakadonge reba·achimindiba jensalo ia biapona soka unon manderangni roe line ka·aniko nikeaha. Unigimin anga angni pu·onnani somoisokaona sengenga”, Ine Sangma aganaha.

Walbakgre polling station-o skanggipa vote pu·on chenggipa Lenush Marak ong·aha aro uan pringni 3:30 bajion pu·on chakram biapona sokbae sengenba voteko pu·onchengaha. Anga bilsi rikitan sengginang rebaronge skanggipa vote pu·ona vhengna jotton ka·rongachim indiba man·rongjaha indiba iachangde darangna skang re·baenba pu·one medalko man·naha ine japataha.

Congress-ni candidate Vincent Pala-ba uni vote-ko on·nangaha.

Na·simang ia video-koba nina man·gen:

Na·simang iakoba poraina man·gen: Meghalaya-o lakh 22 voter-rang gnang: skanggipa changna pu•ona sigipa sak hajal 31 aro sak 3 third-gender voter-rang

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article