Williamnagar, Feb 26: East Garo Hills a•jao mingnambatsranggipa skulrangoni damsa aro Jesuit Congregation-chi chalaienggipa Loyola Secondary School-ni Sports Week-ko Budbar saloni a•bachengataha.
Ia Sports Week-ko February 26 tarikoni February 28 tarikona ong•atenga aro ia sports week-ko a•bachengatanio, East Garo Hills a•jani Additional Deputy Commissioner (ADC) Diana G Sangma, mongsonggipa sokgipa ong•e bak ra•angenba, Loyola College-ni Rector Fr Melvil Parera, Ferrando Memorial School-ni Principal Sister Merabilis, Materdi Parish-ni Parish Kamal Fr Lawrence aro managing committee membor-rangni dongpaanio, skulni nisanko badalate on•angaha.
Ia tom•anio, Loyola Secondary School-ni Principal Fr Victor Dmello, rimchaksoani kattarangko aganangengon, ia tom•aniona mongsonggipa ong•e sokbagipa ADC-ko aro gipin sokgiparangko mittelpilangaha.
Ia tom•anio, Diana Sangma, mongsonggipa sokgipa ong•e jinmana aganprakengon, Loyola Secondary School-ni kal•susaaniko a•bachengatanio bak ra•pana man•ahani gimin an•tangni kusi ong•aniko parakangenba, ia skulo poraienggipa sak 1250 chatro chatrirangni namgipa dakbewalrangna mittelpilaniko aganangaha.
Skulni dingtang dingtang kamrango chatro chatri saksakoba galchanggija bak ra•atengani gimin ua, skulni principal-koba mittelpilangaha.
Chatro chatrirangni janggi tanganio kal•susaani bakrangko janapangengon, kal•susaanian chatro chatrirangna sengnapgipa ong•ani, dilgipa ong•ani, an•tango ka•dongani aro an•tangtangko daito gnanggipa ong•atna skianiko on•a ine Sangma aganaha.
Poraianiosan ong•aigija skulni dingtang dingtang kamrangoba bak ra•na nangani gimin janapangengon, bang•a chatro chatrirangan poraianio aro dingtang dingtang porikkarangko seanio chu•sokgiparang ong•genoba kal•susaani aro uandakgipa jakni kamrango bak ra•anichisa chatro chatrirangko dingtanggipa ong•atna man•a ine Sangma aganaha.
Kal•susaanirango chu•sokgipa chatro chatrirangna sorkarini gita dingtangmancha kanggimin quota ba biaprang donga ineba ua, chatro chatrirangko kal•susaanirango gisik nangchina agan-ku•pattianiko on•angaha.
Loyola Secondary School-ni Sports Week-ko a•bachengatanio, chonchongipa class-rangni chroke mesokani, dingtang dingtang house-rangni march past ka•ani aro uandakgipa dakmesokanirangkoba nikangna man•aha.
Ia skanggipa salni bako, katsusaani aro gipin kal•susaanirangkoba ong•ataha.
Na·simang ia video-koba nina man·gen:
Na·simang iakoba poraina man·gen: USTM-ni Chancellor Haque-ko rim•ani bidingo Rakkam-oni maming aganani dongjawa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
