Shillong, June 3: Lok Sabha Election-ni result-na jajrenga gnang bakrobee sengsoengon, konta 24-ni gisepon vote pu•onnaniko channa siengaha aro badia candidate cheaha uko u•ina man•gnok.
Indake, Meghalaya a•dokoba, Shillong aro Tura Lok Sabha-ni dam 2 seat-rangna susaanggipa sak 10 MP candidate-rangoniko, batanggimin April 19 tariko pu•ongimin sak 16,42,316 voter-rangni seokgimin candidate-rangko, knal sal chong•motan June 4 tariko u•ina gita man•gnok.
Shillong Parliamentary Constituency-o susaanggipa sak 6 candidate-rang aro Tura Parliamentary Constituency-o susaanggipa sak 4 candidate-rang, Meghalaya a•dokni manderangni decision-ko gisik so•sojengjeng aro jajrenga gnang sengsoenga ine nikna man•enga.
Shillong seat-na dolgnirang chena ka•dongsoenga aro gipin dolsaba chechongmotgen ine namen ka•dongsoaniko parakataha. Indake iani gisepon Tura seat-na dolgni political party-rangni gisepo mikkangchakgrike susaaniko dakangskaaha aro nigrikatgenchimode uamang apsangrik ong•enga ine nikna man•a.
Indake ong•engon, jean da•alo MP ong•engachim, uamang sakgnian Lok Sabha seat-o chetaigen ine ka•dongsoengon, gitalgipa candidaterangba cheani chol gnang ine janapanirangkoba knasona man•skaenga.
Shillong seat-ni MP ong•enggipa, Indian National Congress (INC) candidate Vincent H Pala, NPP-ni candidate aro Cabinet Minister ong•enggipa Dr. Mazel Ampareen Lyngdoh aro Voice of People Party (VPP)-ni candidate Dr. Ricky Syngkon baksa rakbegipa susaaniko susaangaha. Apsan daken, Tura seat-ni MP ong•enggipa aro National People’s Party (NPP)-ni candidate, Agatha K Sangma aro Gambegre Constituency-ni MLA, Saleng A Sangma baksa bilakbegipa susaaniko susaangaha.
Shillong-o, social media-rango VPP dolan niksengbatenggipa ong•enga indake ong•genchimoba, tom•tom jrip donganian nambatsranggipa ong•a ine Congress-ni Vincent H Pala chang 3-na kingking sakkiko on•aha aro uan chang•satai sakki on•tainaba gnang ine chanchisamsoenga. Iani gisepon, Garo Hills a•jaode, NPP dolrang BJP dol baksa bakrime kam ka•engani gimin, NPP dolnade adita champenganirangba ong•naba donga ine nikna man•a.
Ia sing•anirang aro jajrenganirangna, Meghalaya a•dokni dam 2 Constituency-rangni voter-rang aganchakaniko knal salni bako on•gen.
Na·simang ia video-koba nina man·gen:
Na·simang iakoba poraina man·gen: Be•grugipa pakmara biapko ra•sekaoniko champengna niamna rikgipasan: DC
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
