Shillong, Apr 18: Lok Sabha Election-ni Tura aro Shillong seat-rangna campaign ka•ani Budhbar salni 4 bajio matchotangaha aro iani gisepon Bristibar saloni ‘Campaign Silence Period’ a•bachengangskaaha.
Indake, skanggipa phase-ni pu•onaniko, April 19 tariko, dam 21 a•dokrang aro Union Territory-rangoni dam 102 Constituency-rango pu•onanggen aro June 4 tariko channaniko dakangskagen.
Dingtang dingtang Political party-rang an•tangtangni bilrangko mesokna, tom•anirangko aro re•jomaanirangko ong•ate campaign-rangko ka•angaha jeon, bang•a manderang re•bae, an•tangtangni namnikbatgipa candidate-na chakpaaniko mesokangaha.
Indake Shillong Parliamentary constituency-o sak 6 candidaterang, uan Congress-ni MP ong•enggipa Vincent H Pala, NPP candidate Ampareen Lyngdoh, RDA candidate Robertjune Kharjahrin, VPP candidate Dr Ricky AJ Syngkon, Independent candidate-rang Prof Lakhon Kma aro Peter Challam, susaaniko dakenga.
Tura Parliamentary seat-na sakbri candidaterang susaaniko dakenga, uamangara, NPP-ni MP ong•enggipa Agatha K Sangma, TMC-ni candidate Zenith Sangma, INC-ni Saleng Sangma aro Independent candidate Laben Marak ong•a.
Today, we held a public meeting at our traditional venue, Tura Bazar, to mark the conclusion of our election campaign for the upcoming Lok Sabha elections.
I extend my sincere gratitude to the people of Meghalaya for their support throughout our campaign. We have diligently… pic.twitter.com/jFyzNrToQR
— Conrad K Sangma (@SangmaConrad) April 17, 2024
Chief Electoral Officer (CEO) Dr BDR Tiwari, ia silence period dakengani somoio, je political party-ba, nok te•saoni te•saona re•e manderangko gronganiko dakana agre, jinma tom•bimonganirangko, re•jomaanirangko aro gipin campaign ka•ani kamrangko ka•na man•jawa ine parakataha.
East Khasi Hills a•jani District Magistrate-ba, Section 144 CrPC-o pangchake, ia konta 48-ni gisepo, niamgri jinma tom•dake dongani aro tom•bimonganiko ong•ataniko aro permission gri Loudspeaker jakkalaniko raken champengataniko dakataha.
Indake “Campaign Silence Period” chong•motan, eleksinna campaign ka•ani, jinma tom•bimongani, re•jomaani aro unbaksana TV, print aro electronic media-rango ba gipin cholrangchi eleksinni gimin mesokaniko champengatani jamano ia ge•etaniko u•iataha.
Skanggipa phase-ni eleksino pu•onagipa a•dokrang aro Union Territory-rangara, Arunachal Pradesh, Assam, Bihar, Chattisgarh, Madhya Pradesh, Maharashtra, Manipur, Meghalaya, Mizoram, Nagaland, Rajasthan, Sikkim, Tamil Nadu, Tripura, Uttar Pradesh, Uttarakhand West Bengal, Andaman and Nicobar Islands, Jammu and Kashmir, Lakshadweep aro Puducherry ong•a.
Na·simang ia video-koba nina man·gen:
Na·simang iakoba poraina man·gen: Rong•tal an•talgipa election-ko ong•atna, Asiani rongtalbatgipa song dakdilchenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
