Tura, April 18: Re•baenggipa April jani 19 tariko ong•na sienggipa Lok Sabha Election-ni skanggipa bako, Polling personnel-rang EVM baksa South West Garo Hills-ni ge•gittam assembly constituency-rangona re•chakatangaha.
Hub news baksa agangrikengon, “Tura Lok Sabha Election-o ga•akgipa ge•gittam assembly constituency-rang chingo gnang aro iarangara Ampati, Mahendraganj aro Salmanpara ong•a. Chingo chu•gimik dam 158 polling station-rang aro sak 1000 polling official-rang gnang jemangan kamtangtangko ka•na gita uamangni EVM aro VVPAT-rangko ra•enba re•angman•aha,” ine South West Garo Hills, Ampati-ni Deputy Commissioner Hema Nayak aganangaha.
“Ge 158 polling station-rangoniko chinga sakbri polling personnel-rangko presiding officer baksa donataha jeon reserved polling offial-rangba dongpagen. Ia election-o chu•gimik nangan bosturangko on•a miksongengon, maming nengnikanigri pu•onaniko matchotatna gita polling station ge•prakon wheelchair-rangkoba donchina gita ge 100 wheelchair-rangko sualatman•aha,” ine DC agandapangkuaha.
Indake ong•engon, “ia changni election-o dingtangmancha mingsa on•dapaniara “green election” ian ong•a. Aro iako dakna gita panggni bol chararangko polling station ge•praknan on•atman•aha, jekon skanggipa changna vote-ko on•e nikchenggipa me•asa saksa aro me•chik saksani jakchi ua bolrangko ge•atanggen,” ineba aganangaha.
Na·simang ia video-koba nina man·gen:
Na·simang iakoba poraina man·gen: LS-ni skanggipa phase-ni pu•onani ong•nasiengon, nok te•saoni te•saona wenna rai on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
