Boko, 14 July: Mongolbar salo, Chamaria LAC-ni Goroimari Development Block-ni ning·o donggipa Champupara-o na·tok jilgipa pokri-rango samrang aro a·salrangko nangana bate jakkalani namgijani bidingo manderangna u·iate on·an baksana naljokgipa aro pangkamgipa na·tok jile cha·aniko ra·dona miksonganio awareness-cum-procession-ko ong·atangaha.
Ia program-ko ong·atanio sak 75 me·chikrangko man·chape sak 100 mangni gita jolo na·tok jile cha·giparang bakko ra·angtokaha. Kamrup-ni District Fisheries Development Officer Dr. Sanjay Sharma, tom·anio aganengon, na·tok jile cha·anio bang·e samrangko jakkalaniara manderangni be·en bimangna nangchakeako on·a man·a ine u·iatangaha. Iani gisepon, ua Fisheries Department-ni ku·pattiani gita na·tok jile cha·enggiparangko science-ko jakkale na·tok jile cha·ani cholrangko ja·rikchina didiataha.
Ia tom·anio official-rang jekai a·gipibatgipa Fishery Department Officer Manidip Sarkia, AFO Keyen Das, Fishery Demonstrator Rajkumar Malakar; Himanshu Basnach; Gautam Medhi: aro Mataya Mitra Jiten Kumar Das-ba dongpae bak ra·angpaaha. Tamuldi Fishery Co-operative Society aro songsalni namgnina kamko ka·gipa Jaliluddin-ba ia program-ko ong·atna gita dakchakaniko on·angaha.
Official-rangni aganani gitade, Goroimari-o sak 5,000 mangni gita na·tok jile cha·giparang gnang. Iani gisepon, Fisheries Department-rang training-rang aro na·tok bi·sarangko suale on·enba, samtangtango donggipa ong·telaigiparangna nangchakea grigipa na·tok jile cha·aniko ra·doani gisepon, uamang namgipa chirangko rakkina gita program-rangkoba ong·atenga. Ia ja·ku de·anianichi, Assam-ni Kamrup a·jako na·tok jile cha·anio skanggipa biapo ong·atna dakchakaha. Ia ja·ku de·ani miksonganiara naljokgipa, pangkamgipa aro science-ko jakkale na·tok jile cha·aniko ja·rikatanian ong·a.
Na·simang iakoba nina man·gen:
Na·simang iakoba poraina man·gen: New Shillong-ni mongsonggipa project-rangko CM nianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
