Agartala, Apr 18: Tripura a•dokni sima a•palo songdongenggipa manderangnaba Lok Sabha election-ko ong•atanio, pu•onpana gita cholko on•na Election Commission tik ka•angaha.
Iani bidingo u•iataniko on•angengon, Tripura a•dokni simarangko kapenggipa (fencing)-oni 150 yard-ona kingking songdongenggipa sak 1500-mangni gita manderangna Lok Sabha election-o pu•onna gita cholko on•na tik ka•angaha ine Tripura a•dokni Chief Electoral Officer Puneet Agarwal parakataha.
Tripura CEO-ni parakatani gitade, iani bidingo Election Commission, Border Security Force (BSF)-ni official-rang baksa chanchirimchengani ja•man, simani a•palrango songdongenggipa manderangnaba pu•onna gita cholko on•na tik ka•angaha.
Pu•onani salo simani a•palrango songdongenggipa manderang, re•napbaenba dilgipako seokanio bak ra•na man•na gita BSF-ni border gate-rangko somoi gita kulie dongen ineba Puneet u•iataha.
Tripura aro Bangladesh a•songni gisepo km 856 simarang donga aro ia simarango niam gri badingsrukani aro ong•gija dakgipa kamrangko champengna gita ia simaoni 95 percent-kode kapengmanahachim.
Sima kapengani ja•man fencing-ni a•palrango songdong-a•chaenggipa manderangde dilgipako seokani (election) aro sorkarini pilak dakchakanirangkon ra•pana gita man•jaengahachim.
Sima a•palo songdongenggipa manderang pu•onani bil (voting rights)-kosan ong•aigija, fencing kaanio man•anggipa an•tangtangni a•arangnaba tangka paisarangko gamchina (compensation) dabitokengachim.
Na·simang ia video-koba nina man·gen:
Na·simang iakoba poraina man·gen: Meghalaya election-ni skanggipa bako polling official-rang tikatgimin biaptangtangona re•chakatanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
