Tura, Apr 30: Mongolbar salo, Selsella SA aro Druma Sandruma baksa, chang 7 gipa Tura Football League-ko GBHSS Chandmari Football Turf-o robol tingsusaanio, 7-0 goalrangko man•enba chegipa ong•aha.
Selsella SA doloni Chiranjit Rabha, 19 minute mang ong•kuengon goal 1-ko chipahachim.
Indake ong•engon, Druma Sandruma dolni rakbate kal•na jotton ka•beoba, uamang offside-rangko bang•en man•aha aro goal chipna chol man•anirangko bang•en galaha.
Indake, Selsella SA doloni Saldish Momin, 27 minute mang ong•on chang•satai goal chiptaiaha aro uni joljol 30 minute ong•engmitingon, Chichang Momin goal chiptaiaha. Saldish Momin-an chang•satai 36 minute ong•kuengon gipin goal-ko chiptaiaha, indake, uamang skanggipa neng•takani somoi ong•na skangan 4-0 goalrangko man•aha.
Indake, gnigipa neng•takani somoina skang, Druma Sandruma dolba chang•satai krengbate goal chipna jotton ka•taiomangba, Selsella SA dolni chelchaksogipan robolko tingbrange galsoaha. Iani gisepon Chiranjit Rabha 69 minute-o aro Saldish Momin 72 minute-o goal prakko chiptaienba kal•susaanio dilgipa ong•ataha.
Bon•kame, kal•susaani somoi matchotnasio, Chiranjit Rabha, dolgimikni changa sapaniko mesokangjolenba 83 minute ong•o bon•kamgipa goal-ko chipchote, Selsella SA dolko chegipa ong•ataha.
Uamangni changa sapaniko aro dolni manderangni nangrime kimkro kam ka•aniko mesokan baksa, Tura Football League kal•susaanio, Selsella SA dol, 7-0 goal-rangko man•e Druma Sandruma dolni kosako chegipa ong•aha.
Na·simang ia video-koba nina man·gen:
Na·simang iakoba poraina man·gen: Assam-o Muslim-rangni vote-ko BJP man•na ka•dongenga, Assam-ni CM Kamrup-o campaign ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
