Tura, Apr 18: Election Commission of India (ECI)-ni ge•etanio pangchake, manderang jemangan electoral roll-rango biming dongeba Elector’s Photo Identity Card (EPIC)-rang dongjachim, uandakgipa manderangba Lok Sabha election-ni somoio gipin identity card-rangko ba lekkarangko jakkalskana man•gen ine Election Commission-oni u•iataha.
Ia ID card ba lekkarangara, Aadhar Card, MNREGA Job Card, Bank/Post Office-ni photo baksa on•gipa Passbook, Labour Ministry-ni scheme-ni ning•o on•gipa Health Insurance Smart Card, Driving Licence, PAN Card, NPR-ni ning•o RGI-ni on•gipa Smart Card, photo donggipa Pension-ni lekka, Central Govt/State Govt/PSU-rang/aro dingtang dingtang company-rangni photo baksa on•gipa Service identity card, MP-rangna, MLA-rangna, MLC-rangna on•gipa Official identity card, India sorkarini Social Justice & Empowerment Ministry-ni on•gipa Unique Disability ID (UDID) Card aro uandakgiparang ong•gen ineba u•iataha.
Voter-ni EPIC-chi ua mandeko ba pu•ongipako ma•sina man•genchimode uni EPIC-o sesretanirang donggenchimoba ua mande pu•onna gita man•aigen ineba u•iataha.
Na·simang ia video-koba nina man·gen:
Na·simang iakoba poraina man·gen: Meghalaya election-ni skanggipa bako polling official-rang tikatgimin biaptangtangona re•chakatanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
