Chokpot, Mar 20: Budhbar salo, Ma Agatha K Sangma, mande ra•ako man•a kragipa NPP-ni State Working President, Pa Marcuise N Marak, SGH-ni District President Pa Satto R Marak, Chokpot-ni MLA Pa Sengchim N Sangma aro SGH-ni Block President Pa Sengnang Sangma-ni dongpaanio, 59-Chokpot Constituency-o Block-Level Meeting-ko ong•atanio bakko ra•e mikkim gnangataha.
Ia tom•anio, Ma Agatha K Sangma aganengon, iandake mikka jime waani somoioba mande ra•e rimchaksoaniko dakangahanina a•jani manderangko mitelpilskaaniko dakangenba, a•jani silroro namroroanina ku•mong nangrime apsan bakrime kam ka•na nangchongmotani gimin aganangaha.
Indake, ia tom•aniko ong•atani miksonganiko aganengon, ia Constituency-ni tang•doanina rakbate kam ka•na nangani gimin aro re•baenggipa Election-ni gamchatani gimin aganan baksa, sakantian an•tangtangni man•gimin bilko jakkale ia Election-o pu•onchinaba ua pilakon mol•molataha.
Unbaksana , manderangni nangnikaniko an•tangni bik ama dipet on•a man•a gita, ia Election-o chakpaaniko on•chinaba ua Constituency-ni ning•o donggipa sakantikon mol•molatan baksa, manderangni namgnina kam ka•enggipa MLA Pa Sengchim N Sangma aro gipin Department Minister-rangkoba mitelpilskaaniko dakangjolaha.
Chokpot Constituency-ni ning•o donggipa manderangni nangnikanirangko skang done dangdike on•a gitaba, Ma Agatha K Sangma ku•rachakaniko on•angaha.
Na·simang iakoba poraina man·gen: NEHU Tura Campus-o jo•ong so•otani samrangko jakkalani bidingo skie on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
