Guwahati, Oct 17: Sub Continent-rango Al Qaeda-ni dakchake on•enggipa bobil dolrangoni sakbri manderangko Sombar salo Assam-ni police-rang rim•na man•aha aro ia mande sakbrioni saksade Madrassa-o skie on•enggipa mande ong•achim.
Police-rangni kobor on•ani gitade, Assam-ni police-rang, Tamulpur aro Nalbari a•jarango changgni dake chadrapenba, ia manderangko rim•na man•aha.
Rim•ako man•gipa mande sakbrioni sakgnikode Tamulpur a•jaoniko rim•na man•aha aro ia mande sakgniara Ansarullah Bangla Team (ABT) bobil dolni ong•achim ine police-rang parakataha.
Ia manderangko UAPA aro IPC-ni dingtang dingtang niamrango pangchake police-rang rim•aha.
Rim•ako man•gipa mande sakbriara, Howli Barpeta-oni bilsi 38 ong•gipa Saddek Ali, Nalbari a•jao donggipa Na Mati-oni bilsi 23 ong•gipa Jakibul Ali, bilsi 26 ong•gipa Habel Ali aro bilsi 26 ong•gipa Abu Raihan ong•achim.
