Shillong, Apr 3: Mairang-o bi•sarangko kragija dake drae til•ekani gimin bilsi 58 ong•gipa doctor saksa baksana gipin sakgni manderangko bilsi 20-na pattoko donchina kachari rai on•ataha.
Eastern West Khasi Hills a•jani Mairang jolo donggipa Pyndengumiong songni bilsi 58 ong•gipa Doctor Ayam Sunil Khuman-ni kosako bi•sa saksako drae til•ekanina 2020 bilsini July 27 tariko FIR ka•doangaha aro uandaken ia case-ko Mairang Police Station-o register ka•enba ia a•selni bidingo am•sandina a•bachengaha. Ia a•selni bidingo am•sandienba ja•man matnanga man•gipa mandeko police-rang rim•e, judicial custody ning•o donataha.
Ia mandeni kosako bichal ka•ani matchotani ja•man, Dr Ayam Sunil Khuman-ko POCSO Act-ni Section 6-ni ning•o bilsi 20-na pattoko donan baksana gong 1,25,000-ko dai gamchina aro POCSO Act-ni Section 10 ning•o bilsi 5-na pattoko donan baksa gong 25,000-ko dai gamchina aro ia dairangko gamna man•jagenchimode jadokna pattoko dondapkuchina West Khasi Hills a•jani Special Judge (POCSO) M Kumar-ni kachari rai on•ataha.
2023 bilsini January 4 tariko bi•sa saksako drae til•ekani gimin Eastern West Khasi Hills a•jao donggipa Dombahskhek songni bilsi 37 ong•gipa Buksar Lyngdoh Lyngkhoi-koba bilsi 20-na pattoko donan baksana gong 15,000-ko dai gamchina aro dai gamna man•jagenchimode jadokna pattoko dondapkuchina gita POCSO kachari rai on•ataha.
Ia apsan case-on Dongkiingding songni bilsi 27 ong•gipa Phrangsngi Rynthathiang-koba bilsi gittamna pattoko done gong 10,000 daiko ra•china aro dai gamna man•jagenchimode jadokna pattoko dondapkuchina kachari rai on•ataha.
Na·simang ia video-koba nina man·gen:
Na·simang iakoba poraina man·gen: EJH-ni Thlakaru-o coke karkana kulina miksonganiko jegalani ja•man biapko niena MSPCB ku•chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
