Shillong, Apr 3: East Jaintia Hills a•jani Thlakaru-o coke ba koela so•ani karkana kulina miksongengako jegale, Wapungskur-ni dorbar shnong badi ka•doangahani gimin Meghalaya State Pollution Control Board (MSPCB), ia biapko niena ku•rachakaniko on•ataha.
Bristibar salo, Wapungskur songni dilgipa Postling Dkhar-ni dilanichi dorbar shnong baksa tom•e chanchirimangani ja•man ia biapko niena MSPCB-ni Member Secretary ku•rachakaniko on•ataha.
MSPCB baksa tom•ani ja•man kobor ra•timgiparangna talataniko on•angengon, je biapon koela so•ani karkanako kulina miksongengachim, ia biapara kanggimin buring bolgrimrangsa ong•ani gimin uamang ia biapo koela so•ani karkana kulina miksonganiko raken jegalenga ine Wapungskur songni dilgipa Dkhar aganaha.
Ia biapko niena gita MSPCB-ni official-rang ku•rachakaniko on•ataha ine u•iatengon, uamang ia biapko niena skang songni dilgiparangna tarikko u•iatgen ine Dkhar parakataha.
Ia jolo songdongenggipa manderang kangal cholgrirangsa ong•genchimoba uamangna gam-jinko nangja indiba rongtalgipa samtangtangko nangnikengani giminsa ia biapo koela so•ani karkana kulina miksongenganiko uamang jegalenga ineba ua aganaha.
Songni beng•ako manigija dakdrana jotton ka•genchimode, maiba dal•a a•selrang ong•na nanggenchimoba Jowai-ni Dolloi aro Mookhep songni Nokma dai nanggiparang ong•na nanggen ineba Dkhar mikrakataniko on•angaha.
Ia biapo koela so•ani karkanako kulina No-Objection Certificate-ko on•aha ine Dkhar, Jowai Elaka-ni Dolloi-ko matnangataha.
Iani bidingo uamang Sukrobar salo Jowai-ni Dolloi-ko grongenba, salgittamni gisepon NOC-ko den•galpilchina dabigen ineba Wapungskur songni dilgiparang parakataha.
Na·simang ia video-koba nina man·gen:
Na·simang iakoba poraina man·gen: Waqt (Amendment) Bill, 2025 aro Wakt (Repeal) Bill, 2024-ni bidingo Lok Sabha-o chanchirima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
