38.5 C
Tura
spot_img

Maming jajaa, kena aro jingjengatani gri Assam-o ‘Bohag Bihu’-ko manina man•anian, tom•tomani cheani: Sarbananda Sonowal

Must read

Dibrugarh, Apr 15: Ports, Shipping & Waterways aro Ayush-ni Union Minister, Sarbananda Sonowal, Lakhipathar-ni Gatang-ni New Rangagarha kal•chakram biapo aro Makum LAC-ni Barekuri-o tom•bimonganiko ong•atangaha.

Indake, ua eleksinna campaign-ko a•bachengna skang, Panitola Bornaamghar-o  bi•aniko dakchengenba mande ra•aniko mesokangchengaha.

Advertisement

Ua, Petroleum & Natural Gas-ni Union Minister of state, Rameshwar Teli, MLA Ponakan Baruan, BJP Assam-ni Secretary, Chabua Pulak Gohain, Digboi-ni MLA, Suren Phukan, MLA Bolin Chetia, Makum aro gipinrangni dongpaanio, Digboi-o donggipa Borbil Hanuman Mandir-oni Gandhi Maidan-ona Padyatra-ko ong•atanioba bak ra•angaha. Indake, dingtang dingtang manianirang donggenchimoba, ua jolo BJP dolni mingsinganiko mesokani gita, bang•a manderangan bak ra•tokaha.

Ia manianio BJP dolni a•gipibate dilgipa Sarbananda Sonowal aganengon, batanggimin somoirango, Congress party-ni sorkariko rikengmitingo, uamangni ge•etaniko man•e Assam a•dokni manderangni kosako ka•saninggija kamrangko ka•aniko, Assamese-rang gualna nangja aro uasan ong•aija, uamangni dakgimin niam retirang aro kajia golmal ong•atani a•selo Bihu manianiko manina gita man•jachim ine Congress party-o bakrimenggiparang gisik ra•china ine aganan baksa, uamangni ka•saninggija dakgipa kamrangni a•selo Assamese chadamberangni janggirang gimaatako man•aha aro ramram manderang kenjagoke janggi tangna nangahani gimin, April 19 tariko name chanchiesa dikgipako seokchina ineba aganaha.

Advertisement

A•songni Prime Minister Narendra Modi-ni gimin janapengon, “Narendra Modi, 2014 bilsio a•songni Prime Minister ong•ahaon, a•songo tom•tomani aro orto gnanggipa janggi tanganiko man•a baksana, dingtangmancha chanchirimanikoba dakna chol ong•bataha aro da•alo an•ching sakantini tom•tome janggi tangna man•enganiara, Salgro Salaram jolko India a•songni bak ine channa Modiji-ni ka•sachake agangrikani giminsa ong•enga. Assam a•dokko namroro silroroatanirango gisik nangbrejani aro namrengaiani gimin, Semiconductor-ni bak ine seokaniko maming dakeba chanchisoani dongjachim. Indake ong•genchimoba, 2014 bilsioni, chang 60 mangna, Modiji an•tangan Assamona re•baaha aro India-ni tang•dogipa a•dokrangni giseponi, Salgro Salaram jolni Assam a•dokko Growth Engine ong•atna miksongaha. Da•alo an•ching uni a•selsa, ‘Bohag Bihu’-ko maming jajaagri, kenagri aro jingjengani gri manina man•aha” ine Sarbananda Sonowal aganaha.

Advertisement

Indake, ua skanggipa changna pu•onchengenggipa chadamberang baksa agangrikengon, BJP sorkarini sason ka•engon, mikkangchi uamangna janggi tangani cholrangko on•gen inenba ku•rachakangaha.

Ua kamgri dongenggipa chadamberangna, public sector-osan ong•aigija private sector-rangoba cholrangko on•gen aro ian Modiji-ni ku•rachakgimin ong•a ine aganaha.

Na·simang ia video-koba nina man·gen:

Na·simang iakoba poraina man·gen: Shillong-o Shad Suk Mynsiem-ko manianga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article