Shillong, Jan 5: Gari mande siatani bidingo rakbegipa niamko a·songo ra·gatna ja·ku deaniko jegale jinmana dangdike on·gipa pilak garirangan India a·song gimikon salgnina salgija donggen. Apsan daken, manderangko salruragipa garirang, mal-mata salruragipa garirang Assam aro Meghalaya a·dokrangoba sorokna ong·katgija dongenga ine u·ina man·a.

Gari mande salpake katode tangka lak 7 daiko gamna nanggen ong·jaoba bilsi 10na patoko dongna nanggen ine Bharatya Nyaya Sanhitri (BNS)ni ning·o niamko tariaha. BNS-an Indian Penal Code-ni pal ong·angskagen ineba ja·ku ga·angenga.

Ia rakbegipa niamko ra·gatkujawa ine Ma·mong Sorkari Monggolbar salo ku·rachakaniko on·ahaoba a·songo gari salgiparang ua niamko ra·galchina dabikue konta 48na gari salgija dongna ja·ku de·skaaha.

Ia obosta ong·engon songregiparangsan ong·aija, nangchongmotgipa bosturangko salruragipa garirangba jaktome dongtokani gimin manderangna neng·nikbeani ong·enga. Iani a·sel petrol, diesel salgipa garirangba saljawa aro bosturangni dam tang·dopretgen ine niksamsoenga.

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub