Shillong, Apr 27: Mandeko toromchi ong·ja indiba jatni dakbewalchisa ma·sina nanga ine Sonibar salo, ‘The Forgotten Folklore Project’-ni graduation ceremony-ko Shillong-o ong·atanio, Meghalaya a·dokni Education Minister Rakkam A Sangma aganaha.
Sangma-ni aganani gitade, bang·bata changon mandeko uni ong·bagipa ja·pangoni ong·gija toromchisa ma·sibatronga indiba ian kraani ong·ja.
“Anga Kristian ong·genchimoba angko Kristian ine ma·sitokani pal angko Garo inesa ma·sibatna nanga. Anga Garo ong·e atchiaha aro angni ku·siktangba Garosa ong·a. Toromde angni basee ra·anisa ong·aia indiba angni ong·baade, angni jat aro ku·tangsa ong·a,” ine Sangma aganaha.
Meghalaya a·doko dingtang dingtang jatrangni apsan meli-nangrime songdong a·chaenganiko toe janapatengon, “Anga saksa Meghalaya-ni ong·genchimoba anga Garosa ong·ani gimin Khasi ku·sikko aganna man·ja. Khasi aro Garorang pilakan apsan a·dokonin ong·a indiba anga Garo ong·e an·tangni dakbewal rikbewal aro ku·aganani dingtang donga,” ine Sangma aganaha.
India aro Bangladesh a·songo songdongenggipa manderangoni sak 25,000-mangni gitasan aganna jakkalgipa Atong ku·sikni gimaroroangengahani gimin jatni ku·sikrangko ripingna nangenga ine janapatengon, ia sal somoirango Atong ku·sikko jakkalgipa manderangni dedrangrangan ia ku·sikko jakkalangjaengahani a·sel ia ku·sik gimaroroangengaha ine Education Minister, mikrakataniko on·angaha.
Chengo golpo agangipa dakbewal aro iandakgipa golporangko see rakkina kamko ka·engani gimin TFFP-ko mittelpilangskaengon, lekka porako ra·ani miksonganiara uni ning·ao mai donga uko am·sandie mesokanian ong·a ine Sangma aganaha.
Uni chonmitingo atchutanggipani agangipa golporangni giminba ia tom·anio Sangma gisik ra·atpilaniko on·angaha.
Lok Sabha-ni gitcham Speaker, PA Sangma sagini niksamsoanirangko gisik ra·atpilangskaengon, PA Sangma sagi pangnan an·tangtango man·gipa cholrangko ripingchina aro chasing gitalni manderangna donchina didironga aro ian ki·tap seani ba golpo aganana bata maina iano miksongani donga ine Education Minister aganaha.
Na·simang ia video-koba nina man·gen:
Na·simang iakoba poraina man·gen: Assam-o me·chikrangni cervical cancer man·ani batroroenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
