Shillong, Dec 15: Dingtang dingtang jatni mandena on•gimin bilko pe•anio gong lak 15-ko compensation dake on•na National Human Rights Commission (NHRC) tik ka•angaha.
Salgnina NHRC-ni public hearing-ko Shillong-o ong•atangani ja•man, mandena on•gimin bilko pe•anio gong lak 15-ko compensation dake on•na tik ka•angaha.
Ia compensation-ko Meghalaya, Mizoram aro Tripura a•dokrangna on•angaha.
Salgnina public hearing-ko ong•atanio gimik ming 19 case-rangni bidingo knaangaha aro ia public hearing-ko ong•atanio sorkari officer-rangni u•iatani gitade, NHRC-ni ge•etanio pangchake uamang mitam case-rangna gong lak 10.54-kode game on•manaha aro bangki gong 46,000/-koba bakan on•anggen.
Tangkarangko gamani sakkirangko bakan NHRC-na on•atgen ineba official-rang parakataha.
