Shillong, Feb 15: Asia-o sanna banniko on•anio niksenga man•gipa Apollo, Shillong-ni Trinity Healthcare baksa chaprimenba, Apollo Trinity Medical Center Shillong-ko February 19 tariko nokdonggaanggen. Ia tom•anio Health Minister, Ampareen Lyngdoh aro Chief Secretary, D. P. Wahlang-ni dongpaanio, a•dokni Skotong Minister Conrad K. Sangma mongsonggipa sokgipa ong•e bak ra•anggen.
Apollo Trinity Medical Center Shillong-ni CEO, Debapriya Deb, ia center-o joltangoni medicine, gynaecology, pediatrics, cardiology aro oncology expert-rangna agreba Outpatient Department (OPD)-o sanna banniko ra•na re•bagiparangna a•songni dingtang dingtang bakrangoni chong•motan Chennai, Hyderabad, Delhi, Kolkata aro Guwahati-oni specialist-rangko rimbagen aro uamang baksa saenggipa manderang an•tangtangni saani biatirangko janapna man•gen, indake dakanichi nambata sanna banniko uamang on•anggen ine talate on•angaha.
Una agreba, ia center-o ECG, TMT, enchocardiography ba ka•tongni biatiko niani ostro, pulmonary function test (PFT) ba rang•sitani bewalko u•ina ka•sopko niani, ultrasound, X-ray, dental care ba wagamrangko niani, ophthalmology ba mikronrangko niani, physiotherapy aro an•chi porikka ka•e niani lab-koba man•chape manderangna dangdike on•anggen ineba Deb janapataha.
Uasan ong•aigija, gnigipa bakkode dialysis ba rongtalgijagipa an•chirangko ka•rongteoniko galani, endoscopy ba be•en ning•aniko niani ostro, CT scan ba saani biatiko u•ina be•en gimiko scan ka•e niani aro MRI ka•anikoba dakangna miksongenga.
Indake, manderangni somoiko bon•atjana gita, patient app-ko ru•utgijan a•bachengatgnok jeon doctor-ko grongna gita tarik ra•atna man•gen, noktangon sample-rangko chimonge ra•angna tik ka•na man•gen aro medical report-koba online gita okna man•gen aro uan a•song gimikona choligipa ong•gen ineba Deb u•iatangjolaha.
Uasan ong•aigija, ia center-ona re•bachengaoni re•angpilaona nirokaniko on•a aro hospital-ona re•rurae neng•nikaniko on•jana gita bilsi ja•delgimin manderangni nokonikon sample-rangko chimongna aro nirokaniko dakna gita ia center-o Patient Care Executive-rangkoba songaha.
Ia Apollo Trinity Medical Center, Meghalaya a•dokoni gipin a•dokrangchina re•ange koros bon•atanikoba komiatan baksa kragipa damko ra•e sanna bannaniko on•anggen aro uasan ong•aigija sanna bannanio dam rakako gamaoni ritchengatna gita ia center-o Megha Health Insurance Scheme (MHIS) aro Central Government Health Sheme (CGHS)-koba ra•chakgen ine CEO Deb janapataha.
Na·simang ia video-koba nina man·gen:
Na·simang iakoba poraina man·gen: Advantage Assam 2.0 Summit-ko PM Modi a·bachengate on·gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
